केंद्र सरकार लवकरच महागाई भत्त्यात वाढ करण्याची घोषणा करणार आहे. वर्षातून दोनदा महागाई भत्त्यात वाढ केली जाते. जानेवारी महिन्यात ही वाढ केली जाते. मागच्या वर्षी सरकारने होळीच्या आधी महागाई भत्त्यात वाढ केली होती. त्यानंतर आता यावर्षी महागाई भत्त्यात कधी वाढ होणार याकडे केंद्रिय कर्मचाऱ्यांचे लक्ष आहे.

होळी फक्त १० दिवसांवर आली आहे. त्यामुळे या १० दिवसांत महागाई भत्त्याबाबत निर्णय होण्याची शक्यता आहे. त्यामुळे कदाचित येत्या दहा दिवसांत कर्मचाऱ्यांच्या महागाई भत्त्यात वाढ होऊ शकते. कर्मचारी आणि पेन्शनधारकांना महागाई भत्त्याबाबत अपेक्षा आहे. ७ व्या वेतन आयोगात वर्षातून दोनदा महागाई भत्त्यात वाढ केली जाते. पहिली वाढ १ जानेवारीपासून केली जाते. तर दुसऱ्यांदा महागाई भत्त्यात वाढ १ जुलैपासून केली जाते.

महागाई भत्ता किती टक्के वाढणार?

सरकार महागाई भत्त्यात ३ टक्के वाढ करण्याची शक्यता आहे. यामध्ये एंट्री लेवल ते सरकारी अधिकाऱ्यांच्या पगारात वाढ होणार आहे. जर महागाई भत्त्यात ३ टक्क्यांनी वाढ झाली तर बेसिक सॅलरी १८००० रुपयांवर अधिकचा ५४० रुपये महागाई भत्ता मिळणार आहे.

महागाई भत्त्याचे कॅलक्युलेशन

जर कोणत्या कर्मचाऱ्याचा पगार ३०,००० रुपये असेल. त्याची बेसिक सॅलरी १८००० रुपये असेल तर त्याचे अर्धे म्हणजेच ९००० रुपये महागाई भत्ता मिळतो. त्यात जर ३ टक्क्यांनी वाढ केली तर महागाई भत्ता ९५४० रुपये मिळणार आहे. जर महागाई भत्त्यात ४ टक्क्यांनी वाढ झाली तर ९७२० रुपये मिळणार आहे.

मागील वर्षी सरकारने मार्च महिन्यात महागाई भत्त्यात ४ टक्क्यांनी वाढ केली आहे. त्यानंतर ऑक्टोबर महिन्यात महागाई भत्त्यात ३ टक्क्यांनी वाढ झाली आहे. त्यामुळे यंदाही महागाई भत्त्यात ३-४ टक्क्यांनी वाढ होण्याची शक्यता आहे. महागाई भत्त्यातील ही वाढ १ जानेवारी २०२५ पासून लागू होणार आहे.