शहरात घर भाड्याने देण्याचे प्रमाण खूप जास्त आहे. नवीन घर घेतलं आणि तिथे जर आपण राहत नसू तर ते घर एखाद्या गृहस्थाला भाड्याने द्यायचं आणि दरमहा चांगलं भाडं वसूल करायचं. काहींच्या मते २० ते ३० हजारांचा EMI भरण्यापेक्षा भाड्याने राहून ३ ते ४ हजार भाडं दिलेलं बरं. मात्र घर भाड्याने देताना काही नियम असतात. ते नियम तुम्हाला माहित असायलाच हवे. कोणते आहेत ते नियम? जाणून घ्या.

तुम्ही अनेकदा पाहिलं असेल की, काही भाडेकरू बरीच वर्ष एकाच घरात राहतात. १०-१२ वर्ष झाली की, ते घर मालकाला कायदे सांगून घुडकवून लावतात. जर एखादा भाडेकरू १० वर्ष किंवा त्यापेक्षा अधिक काळ एकाच करत राहत असेल, तर घरमालक त्याला घर खाली करण्यासाठी आग्रह करू शकतो का?

लिमिटेशन ॲक्ट १९६३

लिमिटेशन ॲक्ट १९६३ हा ॲक्ट भाडेकरू आणि घरमालक यांच्याशी संबधित आहे. या ॲक्टनुसार खाजगी मालमत्तेवरील मर्यादेचा वैज्ञानिक कालावधी हा १२ वर्ष इतका आहे. याला ताब्याचा दिवस असे म्हणतात. असं झाल्यास निर्णय भाडेकरूच्या बाजूने लागण्याची दाट शक्यता असते.

भाडेकरूला मिळेल घराचा ताबा?

घरमालकाकडून झालेल्या निष्काळजीपणाचा भाडेकरू फायदा घेऊ शकतो. त्यामुळे जर तुम्ही भाडेतत्त्वावर घर देत असाल तर भाडे करारावर स्वाक्षरी घेणे अतिशय महत्वाचे आहे. भाडे करारावर स्वाक्षरी असणे अतिशय गरजेचे आहे. हा करार तुम्ही ११ महिन्यांचा करावा. हा करार दरवर्षी बदलत रहावा. यासह त्यात नियम आणि अटी लिहिलेले असावे. जर फसायचं नसेल, तर हे नियम नक्की लक्षात ठेवा.