कुटुंब छोटं असो वा मोठं... तुम्हाला ७ सीटर कारची गरज कधीही पडू शकते. बजेट कमी असल्यास तुम्हाला चांगला पर्याय निवडता आला पाहिजे. जर तुमचा बजेट ६ लाख असल्यास तुम्ही ७ सीटर कार घेऊ शकता. Maruti Suzuki ची Maruti Suzuki Eeco या कारने बाजारात रॉयल एन्ट्री केली आहे.

Maruti Suzuki Eeco ची एक्स- शोरुम किंमत ५.२० लाख रुपये इतकी आहे. तर टॉप व्हेरिएंटची किंमत ७.३५ लाख रुपये इतकी आहे. या कारमध्ये ५ सीटर, ६ सीटर आणि ७ सीटर कारचा देखील पर्याय आहे.

या Eeco चा लूक जबरदस्त स्टायलिश आहे. या कारची डिझाइन ग्राहकांचा विचार करून करण्यात आली आहे. या कारचा सर्वाधिक उपयोग छोटे व्यापारी आणि व्यावसायिक कामांसाठी होतो. या कारला स्लायडिंग दरवाजा देखील असतो. त्यामुळे कारच्या मागे असलेल्या दरवाजामुळे उतरणे आणि चढणे सोपे जाते. हाय रुफमुळे चांगला हेडरुम मिळतो. कार ७ सीटर असल्याने मोठ्या कुटुंबासाठी चांगली कार आहे.

फिचर्स?

कारमध्ये सेफ्टी फिचर्स देण्यात आले आहेत. Maruti Suzuki Eeco मध्ये स्टँडर्ड ६ एअरबॅग, ABS सोबत EBD, सीट बेल्ट रिमायंडर, स्पीड अलर्ट सिस्टम, रिवर्स पार्किंग सेन्सर आणि इंजिन इम्मोबिलायजर सारखे फिचर्स देण्यात आले आहेत. कारची किंमत असतानाही सेफ्टी फिचर्सवर विशेष लक्ष दिलं आहे.

इंजिन आणि मायलेज

कारमध्ये १.२ लीटरचं पेट्रोल इंजिन मिळते. या व्यतिरिक्त CNG पर्याय देखील उपलब्ध आहे. कमी खर्चात चांगली फायदेशीर ठरणारी कार आहे. पेट्रोल व्हेरिएंटचा मायलेज २० किमी प्रति लीटर आहे. सीएनजी व्हेरिएंट साधारण २७ किमी प्रति किलोग्रॅमपर्यंत मायलेज मिळतो.

EMI पर्याय देखील उपलब्ध

कार खरेदी करण्यासाठी EMI चा पर्याय देखील उपलब्ध आहे. तुम्ही १ लाखांचा डाऊन पेमेंट करून Maruti Suzuki Eeco कार घरी आणू शकता. त्यानंतरची रक्कम EMI स्वरुपात भरता येईल. यामुळे तुमच्या बजेटवरही अधिक परिणाम होणार नाही.