UIDAI Paperless Aadhaar eKYC Benefits : आधार कार्डशी संबंधित कामांसाठी वारंवार येणारा ओटीपी (OTP) किंवा अंगठ्याचा ठसा (Biometrics) न लागल्यामुळे होणारी चिडचिड आता कायमची संपणार आहे. UIDAI ने सामान्य नागरिकांच्या सुविधेसाठी 'ऑफलाइन ई-केवायसी' (Aadhaar Offline e-KYC) प्रक्रिया अधिक सोपी केली आहे. यामुळे आता इंटरनेट कनेक्टिव्हिटी नसली किंवा सर्व्हर डाऊन असला, तरी तुमची केवायसी प्रक्रिया थांबणार नाही.

केवायसीची ही पद्धत फक्त सोपीच नाही तर अत्यंत सुरक्षित असल्याचे UIDAI म्हटले आहे. यामध्ये तुम्हाला तुमचा आधार नंबर उघड न करताही व्हेरिफिकेशन पूर्ण करता येते. खासगी कंपन्या किंवा टेलिकॉम ऑपरेटर्सना आता तुमची ओळख पटवण्यासाठी वारंवार बायोमेट्रिक्स घेण्याची गरज पडणार नाही. त्यामुळे यापुढे बँक खाते उघडणे असो वा नवीन सिम कार्ड घेणे, आधार ऑफलाइन केवायसीमुळे तुमचे काम अधिक वेगाने आणि विना अडथळा पूर्ण होईल.

कशी काम करते ही प्रोसेस? how to do Aadhaar offline eKYC step by step

या प्रक्रियेला 'पेपरलेस ऑफलाइन ई-केवायसी' असे म्हणतात. यासाठी तुम्हाला UIDAI च्या अधिकृत वेबसाईटवरून एक झिप फाईल (Zip File) डाउनलोड करावी लागेल. ही फाईल डाउनलोड करताना तुम्हाला स्वतःचा एक 'शेअर कोड' तयार करावा लागतो. जेव्हा तुम्हाला एखाद्या ठिकाणी केवायसी करायची असेल, तेव्हा तुम्ही ही फाईल आणि तो कोड समोरच्याला देऊ शकता. याद्वारे तुमची सर्व माहिती (नाव, पत्ता, फोटो) सुरक्षितपणे समोरच्या व्यक्तीला मिळते. यात बायोमेट्रिक माहिती कोणाशीही शेअर होत नाही, त्यामुळे डेटा चोरी होणार नाही.

आधार ऑफलाइन केवायसी (Offline KYC) करण्याची प्रक्रिया अत्यंत सोपी आहे. त्यासाठी खालील प्रोसस करा..

सर्वात आधी UIDAI च्या अधिकृत वेबसाईट myaadhaar.uidai.gov.in वर जा.

तुमचा आधार नंबर आणि ओटीपी (OTP) वापरून पोर्टलवर लॉगइन करा.

डॅशबोर्ड उघडल्यानंतर खाली स्क्रॉल करा. तिथे तुम्हाला 'Offline e-KYC' चा आयकॉन दिसेल, त्यावर क्लिक करा.

आता तुमच्या पसंतीचा कोणताही ४ अंकी 'शेअर कोड' (उदा. १२३४) तयार करा. हा कोड तुमच्या फाईलसाठी पासवर्डसारखे काम करेल.

शेअर कोड टाकल्यानंतर 'Download' बटणावर क्लिक करा. तुमच्या फोन किंवा संगणकावर एक .zip फाईल डाउनलोड होईल.

आता तुम्ही एखाद्याला .zip फाईलसोबतच तुम्ही स्वतः तयार केलेला ४ अंकी 'शेअर कोड' सेव्ह करा.. ज्यावेळी कुणी आधार व्हेरिफेकेशन मागेल. त्याला फाईल आणि कोड द्या..

तुमच्या फाईलमध्ये हा कोड टाकून तुमची माहिती व्हेरिफाय करेल आणि तुमची ऑफलाइन केवायसी प्रक्रिया त्वरित पूर्ण होईल.

ऑफलाइन आधार केवायसी (Offline KYC) वापरताना या ३ गोष्टी लक्षात ठेवाच...

तुम्ही तयार केलेला ४ अंकी कोड तुमच्या आधार माहितीची 'चावी' आहे. त्यामुळे हा कोड केवळ विश्वासार्ह आणि अधिकृत ठिकाणीच शेअर करा.

UIDAI कडून डाउनलोड झालेली फाईल .zip फॉरमॅटमध्ये असते. या फाईलचे नाव बदलू नका किंवा तिचा फॉरमॅट (Extension) बदलण्याचा प्रयत्न करू नका, अन्यथा ती ग्राह्य धरली जाणार नाही.

ही फाईल कायमस्वरूपी वैध नसते. त्यामुळे सुरक्षिततेसाठी आणि तांत्रिक कारणांसाठी, जेव्हा केवायसी करायची असेल तेव्हा नवीन फाईल डाउनलोड करणे कधीही चांगले.