सध्या सर्वकाही डिजिटल झाले आहे. आता आपण कोणतीही वस्तू घेण्यासाठी ऑनलाइन पेमेंट करु शकतात.ऑनलाइन पेमेंट करण्यासाठी तुमच्याकडे यूपीआय आयडी किंवा बँक अकाउंट असायला हवे. परंतु आता तुम्ही बँक अकाउंट आणि यूपीआय आयडीशिवाय ऑनलाइन पेमेंट करु शकतात. भीम अॅपने यासाठी फुल डेलिगेशन फीचर फीचर लाँच केले आहे.

बँक अकाउंटशिवाय करता येणार ऑनलाइन पेमेंट (Online Payment Without Bank Account)

भीप अॅपच्या नवीन फीचरमुळे लहान मुले, कॉलेजवयीन मुले आणि ज्येष्ठ नागरिकांना फायदा होणार आहे. या नवीन फीचरमुळे प्रायमरी युजर्ससोबत सेकंडरी युजर्सदेखील पेमेंट करु शकतात. या सेकंडरी युजर्सची निवड प्रायमरी युजर्सद्वारे केली जाईल.

भीम अॅपचे फुल डेलिगेशन फीचर आहे तरी काय? (BHIM Full Delegation Feature)

फुल डेलिगशन फिचरमुळे प्राथमिक आणि सेकंडरी युजर्स जोडले जातात. यामुळे दोन्ही युजर्स पेमेंट करु शकतात. या नवीन फीचरमुळे सेकंडरी युजर्स १५००० रुपयांपर्यंतचे पेमेंट करु शकतात.यासाठी लिमिट सेट करण्याची परवानगी प्रायमरी युजर्सकडे असेल. पेमेंटवरचे नियंत्रण हे प्रायमरी युजर्सकडे असेल. या डेलिगेशनचा कालावधी १ महिना ते ५ वर्षांपर्यंत असू शकतो

कोणाला होणार फायदा?

ज्या व्यक्तींचे बँक अकाउंट आणि यूपीआय आयडी नाही हे या फीचरचा लाभ घेऊ शकतात. ज्येष्ठ नागरिकांनाही आता फीचरमुळे सुरक्षित ऑनलाइन पेमेंट करता येणार आहे. पालक आपल्या कॉलेजला जाणाऱ्या मुलावर लक्ष ठेवू शकतात. त्यांच्यासाठी ठरावीक खर्चाची मर्यादा सेट करतील.