यूपीएससी परीक्षा देऊन सरकारी अधिकारी होण्याची अनेकांची इच्छा असते. सरकारी अधिकारी होण्यासाठी खूप मेहनत घ्यावी लागते. अनेकदा पहिल्या प्रयत्नात यश मिळत नाही. परंतु त्यामुळे आपण प्रयत्न सोडायचे नसतात. असंच काहीसं अंबिका रैना यांच्यासोबत झालं. त्यांनी २०२२ मध्ये यूपीएससी परिक्षेत १६४ रँक मिळवली. (Ambika Raina Success Story)

अंबिका रैना या इंडियन ऑडिट एवं अकाउंट सर्व्हिसमध्ये अधिकारी आहे. अंबिका रैना यांनी सरकारी अधिकारी होण्यासाठी परदेशातील नोकरी सोडली. त्यांना स्विझरलँडमध्ये नोकरी मिळाली होती. त्यांनी तिथे आर्किटेक्चर फर्ममध्ये इंटर्नशिप पूर्ण केली. त्यानंतर त्यांना चांगल्या पॅकेजची नोकरीदेखील मिळाली होती. परंतु त्यांनी सरकारी अधिकारी होण्याचे ठरवले.

अंबिका या मूळच्या जम्मू काश्मिरच्या रहिवासी आहेत. त्यांचे वडिल भारतीय सैन्यात मेजर जनरल आहेत. त्यामुळेच अंबिका यांचे शिक्षण वेगवेगळ्या राज्यांमध्ये झाले. त्यांनी अहमदाबादमधील कॉलेजमधून २०२० मध्ये आर्किटेक्चरमध्ये ग्रॅज्युएशन केले. त्यानंतर त्यांना परदेशात चांगल्या पगाराची नोकरी मिळाली. परंतु त्यांनी देशसेवेचा मार्ग निवडला.

अंबिका यांनी भारतात परत येऊन यूपीएससी परिक्षेची तयारी सुरु केली. सुरुवातीला दोन प्रयत्नात त्यांनी अपयश मिळाले. मात्र, त्यांनी तिसऱ्या प्रयत्नात १६४ रँक मिळवली. त्या इंडियन ऑडिट आणि अकाउंट्स सर्व्हिसमध्ये काम करत आहेत. (UPSC Success Story)

अंबिका रैना यांनी मागील वर्षाचे पेपर सॉल्व करण्यास सुरुवात केली. यामुळे त्यांना खूप फायदा झाला.अंबिका यांना सुरुवातीला खूप प्रॉब्लेम झाला. परंतु नंतर त्यांनी स्टडी प्लान बनवला. त्यानुसार त्यांनी अभ्यास करण्यास सुरुवात केली.