अॅपलने आपल्या बहुप्रतिक्षित 'Pro and Tell' या खास सोहळ्यात आपला पहिला टचस्क्रीन लॅपटॉप टचस्क्रीन मॅकबुक प्रो अधिकृतपणे लाँच केला आहे. यामध्ये कंपनीने नवीन मॉडेल्समध्ये ओएलईडी डिस्प्ले आणि टच स्क्रीनसाठी सपोर्ट दिला आहे. ॲपलच्या इतिहासातील टचस्क्रीन डिझाइन असलेला हा पहिलाच लॅपटॉप असल्याने जगभरातील टेक जगतात याबद्दल प्रचंड उत्सुकता पाहायला मिळत आहे.

हा नवीन मॅकबुक प्रो १४-इंच आणि १६-इंच अशा दोन वेगवेगळ्या व्हेरियंट्समध्ये उपलब्ध होणार आहे. परफॉर्मन्स आणि स्पीडच्या बाबतीत कोणतीही तडजोड न करता यासाठी ॲपलच्या अत्यंत शक्तिशाली M5 Pro आणि M5 Max चिप्सचा वापर करण्यात आला आहे. विशेष म्हणजे, लॅपटॉपमध्ये पहिल्यांदाच आयफोनप्रमाणे डायनॅमिक आयलंड फीचर देण्यात आले आहे.

या लॅपटॉपमध्ये उत्कृष्ट व्हिज्युअल अनुभवासाठी XDR डिस्प्ले देण्यात आला असून तो १२८ GB युनिफाइड मेमरीसह सज्ज आहे. भारतात या प्रीमियम लॅपटॉपची सुरुवातीची किंमत ३,४९,९०० रुपये ठेवण्यात आली आहे. नवीन डिझाइन आणि प्रगत तंत्रज्ञानामुळे हा लॅपटॉप व्यावसायिक, व्हिडिओ एडिटर्स आणि टेक प्रेमींसाठी एक उत्कृष्ट पर्याय ठरेल.

ओएलईडी डिस्प्लेच्या थिनर पॅनेलमुळे या लॅपटॉपचे वजन लक्षणीयरीत्या कमी झाले आहे. १४ इंच मॉडेलचे वजन अवघे १.३८ किलो तर १६ इंच मॉडेलचे वजन १.८ किलो आहे. सर्वात महत्त्वाची गोष्ट म्हणजे, यात २४ तासांपर्यंतची बॅटरी लाईफ मिळते आणि फास्ट चार्जिंगच्या मदतीने हा लॅपटॉप केवळ ३० मिनिटांत ५० टक्के चार्ज होणार आहे. कनेक्टिव्हिटीसाठी यात अत्याधुनिक Thunderbolt ५ पोर्ट्स, Wi-Fi ७ आणि ब्लूटूथ ६ चा सपोर्ट देण्यात आला आहे.