देशात सध्या इलेक्ट्रिक कारची क्रेझ आहे. पर्यावरणपूरक अशा कार अनेकजण खरेदी करतात. देशात इलेक्ट्रिक वाहनांची मागणी दिवसेंदिस वाढत आहे. मात्र, कार घेताना सर्वात महत्त्वाची गोष्ट म्हणजे बजेट. आपल्या बजेटमध्ये इलेक्ट्रिक कार घ्यायचा विचार करत असाल तर हे काही पर्याय आहेत. ज्या कार तुम्ही घेऊ शकता. (Latest News)
Tata Nexon EV
टाटाची Tata Nexon EV ही खूप चांगली कार आहे. कंपनीची ही कार मिडियम रेंज आणि लॉंग रेंज अशा दोन प्रकारांमध्ये उपलब्ध आहे. कारच्या MR आवृत्तीमध्ये 30kWh बॅटरी देण्यात आली आहे. ही कार 325 किमीची रेंज आणि 127bhp ची टॉप पॉवर जनरेट करते. तर कारची LR व्हर्जन 40.2kWh बॅटरीसह येते. ही कार 143bhp पॉवर जनरेट करते. तर या दोन्ही व्हर्जनमध्ये 215Nm टॉर्क जनरेट होते. या कारची किंमत 14.74 लाख ते19.94 लाख रुपये आहे.
Tata Tiago EV
टाटाची Tata Tiago EV ही दोन बॅटरीपॅक पर्यांयासह उपलब्ध आहे. कारच्या 19.2kWh पॅकमधील कार अंदाजे १८० किमीची रिअल टाइम रेंज देण्यास सक्षम आहे. तर 24kWh पॅकमधील कार 230 किमीची रेंज देण्यास सक्षम आहे. ही कार 73bhp आणि 114Nm आउटपूट देते. या कारमध्ये ऑटोमॅटिक ट्रान्समिशन उपलब्ध आहे. या कारची किंमत 8.69लाख ते 12.04 लाख रुपये आहे.
MG Comet EV
एमजी कॉमेट इलेक्ट्रिक कार 17.3kWh बॅटरी पॅकसह सादर करण्यात आली आहे. ही कार एका चार्जवर 230 किमीची रेंज देते. ही कार 110Nm टॉर्क आउटपूट तयार करते. या कारची चार्जिंग ७ तासांत पूर्ण होते. कारची किंमत 7.90 लाख ते 9.98 लाख रुपये आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.