प्रत्येक भारतीय नागरिकासाठी आधार कार्ड हे महत्त्वाचे कागदपत्र आहे. आधार कार्डशिवाय कोणतेच काम होत नाही. प्रत्येक सरकारी कामाला आधार कार्डची गरज पडते. आधार कार्ड हे दर दहा वर्षांनी अपडेट करणे अनिवार्य आहे. जर तुम्ही आधार कार्ड अपडेट केले नाही तर तुम्हाला अनेक समस्या येऊ शकतात. तर आता मोफत आधार अपडेट करण्याची मुदत वाढवण्यात आली आहे. (Aadhaar Card)

आता तुम्ही १४ जून २०२५ पर्यंत आधार कार्ड अपडेट करु शकतात. तुम्ही ऑनलाइन पद्धतीने मोफत आधार अपडेट करु शकतात. UIDAIने याबाबत माहिती दिली आहे.

आधार कार्ड अपडेट करण्याची मुदत वाढवल्यामुळे लाखो लोकांना फायदा होणार आहे. ही मोफत सर्व्हिस फक्त ऑनलाइन पद्धतीने आधार कार्ड अपडेट करणाऱ्यांसाठी आहे. आधार कार्डधारकांनी आपली माहिती योग्य वेळी अपडेट करावी, हा यामागचा उद्देश आहे.जर तुम्ही कोणतेही कागदपत्र अपडेट करत असाल तर ऑनलाइन पद्धतीने मोफत अपडेट करु शकतात.

आधार अपडेट करण्याची प्रोसेस (Aadhaar Card Update Process)

सर्वप्रथम तुम्ही यूआयडीएआयच्या myaadhaar.uidai.gov.in या वेबसाइटवर लॉग इन करा.

यानंतर माय आधारवर क्लिक करा. त्यानंतर अपडेट आधार या ऑप्शनवर क्लिक करा.

यानंतर तुम्ही तुमचे आधार डिटेल्स टाका. त्यानंतर कागदपत्रं अपडेटवर क्लिक करा.

यानंतर आधार नंबर टाका.त्यानंतर तुमच्या मोबाईलवर ओटीपी येईल तो टाकून लॉग इन करा.

या गोष्टी ऑनलाइन अपडेट होत नाही

जर तुम्हाला बायोमॅट्रिक अपडेट करायचे असेल तर तुम्हाला ऑफलाइन पद्धतीने करावे लागणार आहे. फिंगरप्रिंट, मोबाईल नंबर, फोटो अपडेटसाठी आधार केंद्रावर जावे लागेल. ऑफलाइन पद्धतीने आधार अपडेट करायचे असेल तर तुम्हाला शुल्क भरावे लागेल.