केंद्र सरकारी कर्मचारी आठव्या वेतन आयोगाची वाट पाहत आहेत. आठव्या वेतन आयोगासाठी शिफारसी तयार केल्या जात आहेत. यासाठी केंद्रीय कर्मचाऱ्यांच्या विविध संघटनांच्या बैठका सरु आहेत. यामध्ये कर्मचाऱ्यांची संघटनांची बेसिक सॅलरी आणि महागाई भत्ता एकत्र करण्याची मागणी केली जात आहे.

महागाई भत्ता बेसिक सॅलरीत जोडण्याची मागणी (DA and Basic Salary Merger)

महागाई भत्ता हा बेसिक सॅलरीत जोडून देण्याची मागणी केली जात आहे.संघटनांच्या म्हणण्यांनुसार, घरभाडे भत्ता, वाहतूक भत्ता, निवृत्तीवेतन आणि वेतनवाढ असे अनेक घटक मूळ वेतनाशी जोडले गेले आहे. त्यामुळे महागाई भत्तादेखील मूळ पगारात जोडला गेला तर वेतन रचनेत चांगली वाढ होईल. कर्मचाऱ्यांचे म्हणणे आहे की, गेल्या अनेक वर्षांपासून महागाई खूप जास्त वाढत आहे. त्यामुळे बेसिक सॅलरी आणि महागाई भत्ता एक करणे गरजेचे आहे.

कर्मचाऱ्यांच्या मागणीमागचे मुख्य कारण म्हणजे महागाईत झालेली वाढ. सध्या ३१ डिसेंबर २०२५ पर्यंत महागाई भत्ता ५८ टक्क्यांपर्यंत पोहचला आहे. महागाई वाढत असल्यानेच लोकांना खूप अडचणी येत आहेत.

फॅमिली युनिट वाढवण्याची मागणी

फेडरेशनच्या मते, सातव्या वेतन आयोगात बेसिक सॅलरी १८,००० रुपये आहे. जी तीन फॅमिली युनिटसाठी आहे. फेडरेशनच्या मते, नवीन फॅमिली युनिट ५ सदस्यांसाठी असावे. याअंतर्गत ६०००x ५ फॅमिली युनिट म्हणजे ३०,००० रुपये. त्यात सध्याचा ६० टक्के महागाई भत्ता जोडण्याचा प्रस्ताव दिला आहे. त्यामुळे हा आकडा ४७,४०० रुपये असेल. वाढती महागाई लक्षात घेता फॅमिली युनिट ५ करण्याची मागणी केली आहे.