सरकारी कर्मचारी आठव्या वेतन आयोगाची वाट पाहत आहेत. आठवा वेतन आयोग कधीपासून लागू होणार याकडे सर्वांचेच लक्ष आहे. आठव्या वेतन आयोगाची घोषणा जानेवारी महिन्यात झाली होती. त्यानंतर आता हा आठवा वेतन आयोग कधी लागू होणार याची कोट्यवधी कर्मचारी वाट पाहत आहे. दरम्यान, आठव्या वेतन आयोगाची समिती आणि टर्म्स ऑफ रेफरंस अजून बाकी आहे.

कधी होणार आठवा वेतन आयोग लागू? (When Will 8th Pay Commission Implemented)

Ambit च्या रिपोर्टनुसार, आठव्या वेतन आयोगाच्या शिफारसी २०२५ च्या शेवटपर्यंत जाहीर केली जाऊ शकते. जानेवारी २०२५ मध्ये हा आठवा वेतन आयोग लागू होण्याची शक्यता आहे. दरम्यान, अंतिम निर्णय हा रिपोर्ट आल्यानंतर आणि सरकारने मंजुरी दिल्यानंतरच होणार आहे.

रिपोर्टनुसार, आयोगाची शिफारशी २०२७ मध्ये लागू झाली झाली तर सरकारी कर्मचाऱ्यांच्या वेतन आणि पेन्शनमध्ये ३० ते ३४ टक्क्यांनी वाढ होऊ शकते.

फिटमेंट फॅक्टर किती होणार? (Fitment Factor)

अजूनपर्यंत आठव्या वेतन आयोगासाठी समिती स्थापन केली नाही. परंतु तज्ज्ञांच्या मते, यावेळी फिटमेंट पॅक्टर १.८३ ते २.४६ होऊ शकतो.यावर आधारित कर्मचाऱ्यांचा पगार किती वाढणार हे ठरवले जाते.

पगार किती वाढणार? (How Much Salary Increase Under 8th Pay Commission)

सध्या बेसिक सॅलरी १८००० रुपये आहे. जर फिटमेंट फॅक्टर २.० झाला तर रिवाइज्ड सॅलरी ३६००० रुपये होईल. याशिवाय महागाई भत्ता, एचआरए असे भत्तेदेखील मिळतील. त्यामुळे कर्मचाऱ्यांच्या पगारात चांगलीच वाढ होणार आहे. दरम्यान, हा वेतन आयोग लागू होण्यास अजून उशिर होण्याची शक्यता आहे. त्यामुळे कर्मचाऱ्यांना वाट पाहावी लागणार आहे.