हिंदू महासभेचे नेते असलेले रणजीत बच्चन हे मुळचे गोरखपूर येथील होते. ते लखनौमधील हजरतगंज भागातील ओसीआर या इमारतीत राहत होते. गोळीबारानंतर पोलिस आयुक्तांनी घटनास्थळी भेट दिली असून, हल्लेखोरांचा तपास सुरु आहे.

लखनौ : उत्तर प्रदेशातील लखनौ शहरातील हजरतगंज भागात हिंदू महासभेचा नेता रणजीत बच्चन याची गोळ्या झाडून हत्या करण्यात आल्याने खळबळ उडाली आहे.

पोलिसांनी दिलेल्या माहितीनुसार, आज (रविवार) सकाळी मॉर्निंग वॉकला गेले असताना रणजीत बच्चन यांच्यावर दुचाकीवरून आलेल्या अज्ञात व्यक्तींनी गोळीबार केला. त्यांच्या डोक्यात गोळी लागल्याने जागीच त्यांचा मृत्यू झाला. गोळीबार झाला तेव्हा, त्यांच्यासोबत त्यांचा भाऊही होता. त्याच्याही हाताला गोळी लागली असून, त्यांना रुग्णालयात दाखल करण्यात आले आहे.

हिंदू महासभेचे नेते असलेले रणजीत बच्चन हे मुळचे गोरखपूर येथील होते. ते लखनौमधील हजरतगंज भागातील ओसीआर या इमारतीत राहत होते. गोळीबारानंतर पोलिस आयुक्तांनी घटनास्थळी भेट दिली असून, हल्लेखोरांचा तपास सुरु आहे. गेल्यावर्षी सप्टेंबरमध्ये हिंदुत्ववादी नेते कमलेश तिवारी यांची त्यांच्या घरात घुसून हत्या करण्यात आली होती. 

Web Title: Vishwa Hindu Mahasabha chief Ranjit Bachchan shot dead in Lucknow