वांद्रे पश्चिम विधानसभा मतदारसंघातील अनेक संस्था व त्यांच्या वास्तूंना ऐतिहासिक परंपरा आहे. मात्र शासकीय पातळीवर त्यांची शासकीय दस्तऐवज म्हणून दखल घेतली जावी, यासाठी स्थानिक आमदार व शालेय शिक्षणमंत्री शेलार यांनी अशा वास्तू व संस्थांचे पोस्ट पाकीट तयार करण्याचा उपक्रम सुरू केला आहे. पंतप्रधान नरेंद्र मोदी यांनी पोस्टाला महसूल मिळावा म्हणून ही 'माय स्टॅम्प, माय पॉकेट' योजना जाहीर केली असून, त्या योजनेतून हे पाकीट तयार करण्यात आले आहे. वांद्रे स्टेशनच्या पोस्ट पाकीट अनावरणप्रसंगी पोस्ट मास्तर जनरल एच. सी. अग्रवाल, पश्चिम रेल्वे महाव्यवस्थापक अनिल कुमार गुप्ता उपस्थित होते. 'पोस्टाच्या पत्रात प्रेम, रोमान्स, मोहब्बत असते. पोस्टाची यंत्रणा गावागावात पोहोचली आहे, तिचा अधिकाधिक लोकांनी वापर करावा', असे आवाहन शाहरुखने केले. 

'युनेस्को'ने जागतिक हेरिटेज म्हणून दर्जा दिलेल्या जुन्या कौलारू छपराच्या वांद्रे रेल्वे स्टेशनच्या सन्मानार्थ शालेय शिक्षणमंत्री आशिष शेलार यांच्या संकल्पनेतून तयार करण्यात आलेल्या पोस्ट पाकीटचे अनावरण अभिनेता शाहरुख खान याच्या हस्ते वांद्रे रेल्वे स्टेशन येथे शुक्रवारी झाले. 

Web Title shah rukh unveils postage stamp at bandra railway station