पुरंदर तालुक्यातील थोपटेवाडी येथे एका माळरानावर बेकायदा बैलगाडा शर्यतीचे आयोजन करण्यात आले होते. पोलिसांनी यावर कारवाई करून दहा बैलगाडे व बारा मोटार सायकल जप्त केल्या आहेत. याबाबत पोलिसांनी दिलेली माहिती अशी की, आज दिनांक १३ जून रोजी थोपटेवाडी येथे बैलगाडा शर्यती सुरू असल्याची माहिती पोलीस उपनिरीक्षक कैलास गोतपागर यांना मिळाली होती. या नुसार थोपटेवाडी येथील बोलाईदेवीच्या पायथ्या लागत असलेल्या माळरानावर पोलीस गेले असता तेथे बैलगाडा शर्यत सुरू असल्याचे त्यांना आढळून आले. पोलीस गाडी आल्याचे पाहून बैलांना तिथेच सोडून लोकांनी तेथून पळ काढला.

हे देखील पाहा 

यावेळी पोलिसांना त्या ठिकाणी दहा बैलगाडे व १२ मोटारसायकल आढळून आल्या आहेत. पोलिसांनी सर्व बैलगाडे व मोटारसायकल ताब्यात घेतल्या आहेत. जेजुरी पोलीस स्टेशनचे पोलीस निरीक्षक सुनील महाडिक यानी घटना स्थळी भेट दिली असून आयोजकांवर गुन्हा दखल करण्यात येत आहे.  तर आयोजका बरोबरच जागा मालकाची ही चौकशी करून  कारवाई करणार असल्याचे पोलीस निरीक्षक सुनील महाडिक यानी सांगितले आहे. 

Edited By : Pravin Dhamale

ताज्या बातम्यासाठी भेट द्या
Website - https://www.saamtv.com/
Twitter - https://twitter.com/saamTVnews
Facebook- https://www.facebook.com/SaamTV
ताज्या व्हिडिओंसाठी पहा
युट्यूब - https://www.youtube.com/channel/UC6cxTsUnfSZrj96KNHhRTHQ
टेलिग्राम - https://t.me/SaamNews