विनोद जिरे

बीड - पेट्रोल Petrol डिझेल Diesel दरवाढी विरोधात, राष्ट्रवादी काँग्रेसच्या NCP वतीने बीडमध्ये Beed जिल्हाधिकारी कार्यालयासमोरचं, चूल मांडून स्वयंपाक करत आंदोलन करण्यात आले. यावेळी 'मोदी सरकारचा करायचं काय, खाली मुंडकं वर पाय' यासह केंद्र सरकार विरोधात तीव्र संताप व्यक्त करत घोषणाबाजी करण्यात आली. यावेळी महिला, पुरुषांसह शेकडो कार्यकर्ते रस्त्यावर उतरले होते. वाढविलेल्या पेट्रोल आणि डिझेलच्या दरवाढीमुळे सर्वसामान्य नागरिकांचे हाल होत असून ही दरवाढ तात्काळ मागे घेण्यात यावी. अन्यथा यापेक्षा तीव्र आंदोलन केलं जाईल. असा इशारा राष्ट्रवादी युवक प्रदेश सचिव निळकंठ वडमारे यांनी दिला आहे.

हे देखाली पहा -

तसेच केंद्रातील मोदी सरकारने पेटोल, डिझेल व एलपीजी गॅसच्या किंमती भरमसाठ वाढविल्या आहेत. पेट्रोल 110 रुपये लिटरचा टप्पा पार करत असून डिझेल 95 रुपये लिटर झाले आहे. ही दरवाढ सामान्य माणसाच्या जीवनावर उठली आहे. तसेच स्वयंपाकाचा गॅसही महागला आहे. यामुळे सामान्य लोकांचे जगणे कठीण झाले आहे. कोरोनाच्या संकटाने आधीच जनता त्रस्त आहे. त्यात महागाईचा मार सहन करावा लागत आहे. यामुळं तात्काळ केंद्र सरकारने भाव वाढ मागे घ्यावी. अशी देखील मागणी यावेळी आंदोलकांनी केली.

Edited By - Shivani Tichkule