१७ व्या लोकसभेच्या पहिल्या अधिवेशनाला सोमवारी नवी दिल्लीत सुरुवात झाली. अधिवेशनाच्या पहिल्या दिवशी सर्व सदस्यांना सदस्यत्वाची शपथ दिली जात आहे. यावेळी सत्ताधारी बाकांवरील सदस्यांकडून शपथ झाल्यानंतर काहीवेळा जय श्रीराम अशा घोषणा देण्यात येत होत्या. त्यावरूनच नवनीत कौर राणा यांनी आक्षेप घेतला. एएनआयने या संदर्भातील ट्विट केले आहे.

नवनीत कौर राणा पहिल्यांदाच लोकसभेत निवडून गेल्या आहेत. अमरावतीमधील लोकसभा निवडणुकीत त्यांनी शिवसेनेचे उमेदवार आनंदराव आडसूळ यांचा पराभव केला होता.

लोकसभेत जय श्रीराम घोषणा देणे योग्य नाही. धार्मिक घोषणा देण्याचे हे ठिकाणही नाही. त्यासाठी मंदिरे आहेत, असे अमरावतीतून निवडून गेलेल्या अपक्ष खासदार नवनीत कौर राणा यांनी म्हटले आहे. त्यांनी या स्वरुपाच्या घोषणांना आक्षेप घेतला असून, संसदेत अशा घोषणा देणे चुकीचे असल्याचे म्हटले आहे.

नवनीत कौर राणा पहिल्यांदाच लोकसभेत निवडून गेल्या आहेत. अमरावतीमधील लोकसभा निवडणुकीत त्यांनी शिवसेनेचे उमेदवार आनंदराव आडसूळ यांचा पराभव केला होता.

web title:  It is not appropriate to declare a religious declaration in the Lok Sabha - Navneet Kaur Rana