पेट्रोल, डिझेल दरवाढीचे चटके सोसणाऱ्या महाराष्ट्रवासीयांना आता राज्य वीज नियामक आयोगाने झटका दिलाय. महावितरणची वीज महाग झाल्यानं राज्यातल्या जनतेच्या खिशावर भार पडणार आहे.  शेतीसाठी दिल्या जाणाऱ्या विजेचा दर सध्या 3 रूपये 35 पैसे प्रतियुनिट आहे.

तो आता 3 रूपये 55 पैसे करण्यात आलाय. घरगुती वापरासाठीच्या विजेचे दरही वाढवण्यात आल्याची माहिती एमईआरसीचे प्रमुख आनंद कुलकर्णी यांनी दिलीय.

घरगुती वापरासाठीच्या विजेचा दर 100 युनिटपर्यंत 5 रूपये 7 पैसे प्रती युनिट आणि 101 ते 300 युनिटपर्यंतचा दर 8 रूपये 74  पैसे प्रती युनिट होता. तो आता 5 रूपये 31 पैसे  प्रती युनिट आणि 8 रूपये 15 पैसे  प्रति युनिट होणारय..दुसरीकडे मुंबईत मात्र वीज दरवाढ होणार नाही.