केवळ गुजरातीच नव्हे तर तेलगू आणि तमिळ भाषेतले बॅनरही वरळीत लावण्यात आले होते. अमराठी भाषकांची मते मिळवण्यासाठी आदित्य ठाकरे यांच्या व्यूहरचनाकारांनी ही रणनीती आखली होती. मात्र त्यावर टीका होऊ लागताच हे फ्लेक्स हटविण्यात आल्याचे कळते.
राजकारणात येऊन निवडणूक लढविणारे आदित्य हे ठाकरे घराण्यातील पहिलीच व्यक्ती आहे. वरळी मतदारसंघातील बहुभाषिकांना आकर्षित करण्यासाठी रातोरात या भागात ठिकठिकाणी केम छो वरळी असा सवाल करणारे गुजराती तसेच त्याच आशयाचे तेलगू भाषेतील फ्लेक्स झळकले होते. मात्र या फ्लेक्सवरून सोशल मीडियावर जोरदार टीका होऊ लागली. त्यानंतर काही तासातच हे फ्लेक्स उतरविण्यात आले. सुरुवातीला हे बॅनर नेमके कुणी लावले होते, यावरून शिवसैनिकांमध्ये संभ्रमाचे वातावरण होते. याबाबत स्थानिक पदाधिकाऱ्यांनी चौकशी केली असता त्यांना शिवसेनेच्या मध्यवर्ती कार्यालयातूनच हे फ्लेक्स लावण्यात आल्याचे सांगण्यात आल्याचे कळते. 

वरळी विधानसभा मतदारसंघातून निवडणूक लढविणारे युवासेना प्रमुख आदित्य ठाकरे यांच्या प्रचारासाठी शिवसेनेने मराठीसह इतर भाषिक मतदारांना आकर्षित करणारे फलक वरळीत लावले होते. 'केम छो वरळी' असा सवाल करणारे गुजराती आणि त्याच आशयाचे तेलगू भाषेतील या फ्लेक्सवर टीका होऊ लागताच हे फलक उतरविण्यात आले आहेत.

Web Title kem cho worli shiv sena pull down posters of aditya thackeray