नागपूर : मुख्यमंत्री देवेंद्र फडवीस यांनी त्यांच्या पदाचा वापर करून त्यांची पत्नी काम करत असलेल्या बँकेचा व्यवसाय वाढवण्यास मदत केल्याची तक्रार नागपूरमधील माहिती अधिकार कार्यकर्त्याने नागपूर सक्तवसुली संचलनालय(ईडी) कार्यालयात केली आहे.

आरटीआय कार्यकर्ते मोहनीश जीवनलाल जबलपुरे यांनी ही तक्रार नागपूर ईडी कार्यालयाला मंगळवारी सुपूर्त केली. एका दैनिकात 22 जून 2019 ला छापून आलेल्या वृत्ताचाही दाखला यावेळी तक्रारदाने दिला आहे.

तक्रारीनुसार, सरकारी अधिकाऱ्यांनी पोलिस खात्याला त्यांची पगाराची खाती बंद करून मुख्यमंत्र्यांची पत्नी काम करत असलेल्या बॅंकेत खाती उघडण्याचे आदेश देण्यात आले. त्यामुळे या बँकेला फायदा झाला असून राष्ट्रीयकृत बँकांचे नुकसान झाले आहे. याप्रकरणी जबलपुरे यांनी जनहित याचिकाही दाखल केली आहे. याप्रकरणी गुरूवारी सुनावणी होणार आहे. या याचिकेसाठी 11 मे, 2017 चे सर्कुलरही जोडण्यात आले आहे. 

Web Title: Complaint filed against CM Devendra Fadnavis in ED office at Nagpur