अकोला- एका महिन्यावर येऊन ठेपलेल्या खरीप हंगामात अकोला (Akola) जिल्ह्यातील चार लाख 80 हजार 560 हेक्टर कृषी क्षेत्रावर पेरणीचे नियोजन कृषी विभागाने केले आहे. त्यामध्ये सर्वाधिक म्हणजेच दोन लाख 20 हजार हेक्टर वर सोयाबीनची पेरणी होण्याची शक्यता कृषी विभागाने व्यक्त केली आहे. जेमतेम दिवसावर असलेल्या खरीप हंगामासाठी शेतकऱ्यांसह कृषी विभाग सज्ज झाला आहे. दरम्यान आता जिल्ह्यातील शेतकरी (Farmer) पेरणी पूर्व मशागतीच्या कामात व्यस्त असल्याचे चित्र पाहायला मिळत आहे.

हे देखील पाहा -

यंदा हवामान विभागाने 99 टक्के पावसाचा अंदाज वर्तविला आहे. त्यामुळे शेतकऱ्यांना चांगल्या पावसाची प्रतीक्षा आहे. खरीप हंगामासाठी शेतकऱ्यांना वेळेत बियाणे उपलब्ध व्हावे यासाठी कृषी विभागाने बियाण्यांचे नियोजन केले आहे. त्यानुसार सोयाबीनचे 1 लाख 65 हजार क्विंटल बियाणे, तूर 2 हजार 888 क्विंटल, मूग 994 क्विंटल, उडीद 768, ज्वारी 450, मका, 38 आणि बाजरा 5 तर तिळाचे 1 क्विंटल बियाणे बाजारात उपलब्ध करून देण्यात आले आहे. तर साडेतीन लाख क्विंटल घरच्या बियाण्यांचा वापर केला जाणार आहे.

Edited By - Shivani Tichkule