परभणी : बी- बियाणे खरेदीसाठी पैसा उपलब्ध व्हावा; या प्रमुख हेतूने जिल्हा प्रशासनाकडून बँकांना पीक कर्ज वाटपाचे उद्दिष्ट देण्यात येते. परंतु, मागील काही वर्षांपासून या बँकांकडूनl प्रशासनाच्या उद्दिष्टाला खो देण्यात येत असल्याचे दिसून येत आहे. (Parbhani) परभणी जिल्ह्यातील ५८ टक्के उद्दिष्ट गाठत दीड लाख (Farmer) शेतकऱ्यांना पीक कर्ज वाटप करण्यात आले आहे. (Tajya Batmya)

पाच वर्षांपासून जिल्ह्यातील शेतकरी नैसर्गिक संकटाचा सामना करत आहेत. जिल्ह्यातील राष्ट्रीयीकृत बँकांसह इतर बँकांना पीक कर्ज (Crop Loan) वाटपाचे उद्दिष्ट दिले जाते. २०२३-२४ या वर्षात खरीप हंगामात जिल्ह्यातील व्यावसायिक, खाजगी, महाराष्ट्र ग्रामीण व जिल्हा मध्यवर्ती (Bank) बँकांच्या शाखांना १ हजार ३८४ कोटी १७ लाखांचे पीक कर्ज वाटपाचे उद्दिष्ट देण्यात आले होते. परंतु, बँकांनी केवळ १ लाख ४ हजार १५८ शेतकऱ्यांना ८३८ कोटी ४२ लाख रुपयांचे पीक कर्ज वाटप केले. ज्याची टक्केवारी ही केवळ ६०.५७ टक्के एवढी आहे.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

रब्बी हंगामातही ५८ टक्केच वाटप 

परभणी जिल्ह्याकरिता २०१३- २४ या वर्षात देण्यात आलेल्या उद्दिष्टानुसार बँकांकडून खरीप हंगामात जिल्ह्यात ६०.५७ टक्के कर्ज वाटप करण्यात आले होते. तर रब्बी हंगामात ५८.११ टक्के पीक कर्ज वाटपाचे उद्दिष्ट गाठले आहे. अर्थात तब्बल ४० टक्के शेतकऱ्यांना पीक कर्जाचा लाभ मिळू शकला नाही.