जालना : गेल्या आठवड्यापासून बाजारपेठेत टोमॅटोच्या दरात मोठ्या प्रमाणावर घसरण झाली. बाजारात टोमॅटोची आवक (Jalna News) वाढल्याने ही घसरण झाल्याचे बोलले जात आहे. गेल्या आठवड्यात ८० ते ८५ रुपये किलो जाणाऱ्या टोमॅटोचे दर थेट २५ ते ३० रुपय कॅरेटवर आले आहेत. (Breaking Marathi News)

जालन्यासह राज्यातील नाशिक, पुणे, सातारा, अहमदनगर, नागपूर, सांगली या महाराष्‍ट्रातील जिल्ह्यात भाजीपाला उत्पादक शेतकरी मोठ्या प्रमाणात टोमॅटोची लागवड करुन जवळ पास राज्यात २९ हजार १९० हेक्‍टर क्षेत्र वर उत्पन्न घेत असतो.

शेतकऱ्याला आर्थिक फटका

टोमॅटोची निर्यात ही मंदावल्याने हे दर जवळपास निम्यावर आले आहे. जूननंतर नोव्हेंबर आणि डिसेंबर महिन्यात लागवड केलेले टोमॅटो बाजारात आल्यास हे दर आणखी गडगडण्याची शक्यता वर्तविली जात आहे. त्यामुळे टोमॅटो उत्पादक शेतकऱ्यांना (Farmer) आणखी मोठा आर्थिक फटका बसण्याची शक्यता नाकारता येत नाही आहे. त्यातच शेजारच्या राज्यातून टोमॅटोची आवक होत असल्याने त्यामुळे देखील दर घसरल्याचे बोललं जात आहे. त्यामुळे टोमॅटो उत्पादक शेतकऱ्यांच्या अडचणीत वाढ झाली.