तोंडापूर (जळगाव) : तोंडापूर (ता. जामनेर) परिसरातील तोंडापूर व कुंभारी खुर्द येथील शेतकऱ्यांनी कर्जाला कंटाळून आत्महत्या केल्याची खळबळजनक दोन (Jamner) दिवसात घटना घडली आहे. (jalgaon news tondapur Debt ridden farmers commit suicide)

तोंडापूर येथील शेतकरी (Farmer) विनोद एकनाथ काकर (वय ३८) यांनी शेतीच्या मशागतीसाठी व विविध कार्यकारी सोसायटीतून कर्ज काढले होते. शेतात माल न झाल्याने डोक्यावर कर्ज असल्यामुळे नैराश्य येवून त्‍यांनी राहत्या घरात सोमवारी विषारी औषधी प्राशन करून आत्महत्या (Farmer Suicide) केली. त्यांना एक मुलगा, पत्नी आहे. औषधी पिल्याने त्यांना जळगाव येथे उपचारासाठी नेले असता डॉक्‍टरांनी त्‍यांना मृत्य घोषित केले.

वडाळी शिवारातही आत्‍महत्‍या

तर १ जूनला कुंभारी खुर्द येथील शेतकरी बळीराम नथु चव्हाण (वय ४९) यांनी स्वतःच्या मालकीच्या वडाळी शिवारातील शेतात विषारी औषधी पिवुन आत्महत्या केली. त्यांना तात्काळ जळगाव येथील सरकारी दवाखान्यात (Hospital) दाखल करण्यात आले असता डॉक्‍टरांनी त्‍यांना मृत्य घोषित केले. त्‍यांच्‍या पश्‍चात आई, पत्नी, दोन मुले व एक मुलगी असा परिवार आहे. तोंडापूरसह परिसरात दोन गावातील कर्जबाजारीपणाला कंटाळून आत्महत्या केलेले दोन्ही तरूण असल्याने हळहळ व्यक्त करण्यात येत आहे. सदरच्या घटनेची नोंद जळगाव येथील सरकारी दवाखान्यात झाली आहे.