चोपडा (जळगाव) : तालुक्यातील लासूर येथील तरुण शेतकऱ्याने (Farmer) सततची नापिकी व कर्जाला कंटाळून बुधवारी (ता. ७) दुपारी एक ते दीडच्या सुमारास स्वतःच्या राहत्या घरात गळफास घेत जीवनयात्रा संपविली. (Breaking Marathi News)

गणेश बाळासाहेब पाटील (वय ४५) असे या तरुण शेतकऱ्याचे नाव आहे. याबाबत चोपडा (Chopda) ग्रामीण पोलिस ठाण्यात अकस्मात मृत्यूची नोंद करण्यात आली आहे. लासूर (ता. चोपडा) येथील गणेश बाळासाहेब पाटील या शेतकऱ्याकडे सात ते आठ बिघे जमीन असून, त्यांच्या डोक्यावर बँकेचे तीन ते चार लाखाचे कर्ज तसेच सोसायटीचे कर्ज होते.

कर्ज फेड व मुलांचे शिक्षणाची विवंचना

सततची नापिकी व कर्ज फेडायचे कसे, मुलांचे शिक्षण कसे करणार या विवंचनेत ते होते. या विवंचनेत त्यांनी आत्महत्या केली (Jalgaon News) असल्याचे नातेवाईक यांनी माहिती दिली आहे. त्यांच्या पश्चात आई, पत्नी, एक मुलगा, असा परिवार आहे. ते वेळोदे येथील सुप्रभात ॲग्रोचे संचालक अरुण सोनवणे यांचे शालक होत.