जळगाव : मागील काही दिवसांपासून ढगाळ वातावरण आहे. शिवाय दोन दिवसांपासून रिमझिम पाऊस पडत आहे. याचा फटका पिकांना बसत आहे. प्रामुख्‍याने आता होणाऱ्या कांदा लागवडीला याचा फटका बसत असून शेतात टाकलेले कांद्याचे रोप ढगाळ वातवरणामुळे जळत असल्‍याने शेतकरीचे (Farmer) यात नुकसान होत आहे.

शेतकऱ्यांनी उन्‍हाळी कांद्याची लागवड करच्‍या दृष्‍टीने महागडी बियाणे आणून शेतात टाकली होती. परंतु, ढगाळ वातावरणामुळे कांद्याचे रोप व लावलेल्‍या कांद्याची पात पिवळी पडून करपू लागली आहे. कांद्याचे महाग बी, रोपे विकत घेऊन शेतात लावले. पण, निसर्गाच्या लहरीपणामुळे शेतकऱ्यांवर मोठे संकट ओढवले आहे. कांदा पिक पिवळे पडत आहे. कांदा पिकाचे मोठ्या प्रमाणवर नुकसान होत असल्याचे पाहायला मिळत आहे. यामुळे शेतकरी चिंतातूर झाला आहे.

कांदा रोप वाया

जळगाव जिल्ह्यात बुधवारी दिवसभर राहिलेले ढगाळ वातावरण आणि रिपरिप पावसामुळे उन्हाळी लागवडीचा कांदा रोपांना मोठा फटका बसणार आहे. कांदा रोपांवर बुरशीजन्य पडण्याची शक्यता आहे. रोगाचाही विळखा पाण्याची शक्यता आहे. शेतात टाकलेले कांद्याचे निम्‍मेहून अधिक रोप वाया गेल्‍याचे वेल्‍हाडे (ता. भुसावळ) येथील शेतकरींकडून सांगितले. आता अजून दोन दिवस असेच वातावरण राहिल्‍यास संपुर्ण कांद्याचे पिक वाया जाणार आहे.

गव्‍हाची पेरणीही लांबणार

कांदा रोपाला फटका बसत असून दुसरीकडे गव्हाच्या पेरण्यावर देखील अवकाळी पावसाचा परिणाम जाणवणार आहे. या आठवड्यात गव्‍हू पेरणीला सुरवात झाली होती. काही शेतकरींची गव्‍हू पेरणी झाली. मात्र बहुतांश शेतकरींची लागवड करणे बाकी राहिले आहे. यामुळे आता या गव्‍हाच्‍या पेरणी लांबणार आहेत.