हिंगोली : मराठवाड्यात कर्जबाजारीपणाला कंटाळून शेतकऱ्यांच्या आत्महत्यांचे सत्र सुरूच आहे. दरम्यान आज हिंगोलीत पुन्हा एका तरुण शेतकऱ्याने गळफास घेऊन आत्महत्या केली आहे. हिंगोलीच्या पिंपळखुटा गावात तरुण शेतकऱ्याने आत्महत्या केल्याची घटना उघडकीस आली आहे. 

राजू गाताडे (वय ३४) असे आत्महत्या केलेल्या शेतकऱ्याचे नाव असून ते हिंगोली तालुक्यातील पिंपळखुटा गावातील रहिवाशी होते. राजू यांचे मागील महिनाभरापूर्वी पुराच्या पाण्याने शेतीचे मोठे नुकसान झाले होते. राजू यांच्या कडे दोन एकर शेती होती. त्यांनी शेतात सोयाबीन पिकाची पेरणी केली होती. मात्र मागील महिन्यात गारपीट व अतिवृष्टी झाल्याने झाल्याने राजू यांच्या शेतात पिकांचे मोठे नुकसान झाले आहे होते. यामुळे शेतीतून उत्पन्न चांगले येईल याची आशा मावळली होती. 

त्यातच पेरणी करण्यासाठी बँकेतून कर्ज काढले होते. बँकेचे हे कर्ज कसे फेडावे? या विवंचनेत असलेल्या राजू यांनी रेल्वेच्या समोर उडी घेत प्राण संपविले आहेत. दरम्यान या घटनेमुळे राजू यांचे कुटुंब रस्त्यावर आले असून घरातील कमावता व्यक्ती गेल्याने संसार देखील उघड्यावर पडला आहे.