शिरपूर (धुळे) : शेतकऱ्याला जीवे मारण्याची धमकी देऊन खळ्यातीळ शेळमध्ये ठेवलेला सहा क्विंटल कापूस (Dhule) चोरट्यांनी चोरून नेला. ही घटना २५ डिसेंबरला मध्यरात्रीच्या सुमारास अर्थे (ता.शिरपूर) येथे घडली. या प्रकारामुळे परिसरात खळबळ माजली असून (Farmer) शेतकऱ्यांमध्ये भीती पसरली आहे. (Breaking Marathi News)

शिरपूर तालुक्यातील अर्थे येथील शेतकरी सुभाष हरी बडगुजर हे २४ डिसेंबरला रात्री अर्थे गावापुढे शहादा रस्त्यावर असलेल्या शेतातील खळ्यात झोपले होते. खळ्यातील पत्र्याच्या शेडमध्ये त्यांच्या शेतातील कापूस भरून ठेवला होता. मध्यरात्री तोंडावर रुमाल बांधलेले चार संशयित खळ्यात शिरले. त्यातील एकाने बडगुजर यांचे हात धरले तर दुसऱ्याने पायावर बसून ‘चिल्लाओ मत, वरना मार डालूंगा’ अशी धमकी दिली. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

यानंतर उर्वरित दोघांनी खळ्यातील शेडमधून सुमारे सहा क्विंटल कापूस चोरून सोबत आणलेल्या वाहनात भरला. त्यानंतर संशयित पसार झाले. बडगुजर यांनी आरडाओरड केल्यानंतर परिसरातील शेतकरी धावून आले. मात्र तोपर्यंत संशयित अंधारात फरार झाले. या घटनेची माहिती मिळाल्यानंतर शहर पोलिस ठाण्याचे निरीक्षक ए.एस. आगरकर व शोधपथकाने घटनास्थळी जाऊन पाहणी केली. बडगुजर यांच्या फिर्यादीवरून शहर पोलिस ठाण्यात संशयित विरोधात गुन्हा दाखल करण्यात आला आहे.