Parbhani :

परभणीसह ग्रामीण भागात आज ना उद्या कापसाचा भाव वाढेल यासाठी शेतकरी बाजार समितीच्या मार्केट यार्डात होणाऱ्या लिलावाकडे आस लावून बसला आहे. मात्र, दिवसेंदिवस भाववाढ होण्याऐवजी दर कमी होत असल्याने कापूस उत्पादकांची पुरती निराशा झाली आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

अपेक्षित भाववाढीने शेतकऱ्यांचा घात केला असून बहुतांश शेतकऱ्यांच्या घरात साठवलेले पांढरे सोने काळवंडत चालल्याचे चित्र ग्रामीण भागात दिसून येत आहे. शेतकऱ्यांनी कापूस लागवड केली तेव्हा कापसाचा दर 12 हजार रुपये प्रतिक्विंटल होता.

शेतक-यांनी महागड्या औषधांची फवारणी करत कापूस जोपासला. मात्र, सुरुवातीला मिळणारा प्रतिक्विंटलचा भाव आज आठ हजार रुपयांवर आला आहे. त्यामुळे कापूस उत्पादकांमध्ये धाकधूक वाढली आहे. (Maharashtra News)

Edited By : Siddharth Latkar