- संजय राठाेड

Yavatmal News : मार्च अखेरनंतर यवतमाळ (yavatmal) जिल्ह्यातील बाजारपेठेत कापसाच्या दरात सुधारणा झाली हाेती. कापसाचे दर (cotton price) आठ हजार शंभर रुपये क्विंटल पर्यंत पोहोचले होते. आता पुन्हा कापसाचा दर घसरल्याने शेतकरी हैराण झाले आहेत. (Maharashtra News)

खुल्या बाजारात कापसाचे दर आठ हजार चारशे रूपये पर्यंत जाण्याची शक्यता व्यवसायिकांनी वर्तविली. दरम्यान दरामध्ये अचानक घसरण झाली. कापसाचे दर सात हजार आठशे रूपये क्विंटल पर्यंत खाली घसरले आहेत.

यातून शेतकरी चांगलेच हादरले आहेत. खुल्या बाजारात कापसाच्या दरामध्ये सुधारणा झाल्याने कापूस बाजारपेठेत अचानक आवक वाढली. ही आवक कायम असताना दरामध्ये घसरण होण्यास सुरुवात झाली. गेले आठ दिवस दर चांगले होते. मात्र आता कापसाचे दर दिवसाला पन्नास रूपयांनी घसरले. याचे मुख्य कारण म्हणजे सरकीच्या दरात झालेली घसरण असल्याची व्यवसायिकांनी स्पष्ट केले आहे.

Edited By : Siddharth Latkar