बुलढाणा - सततची नापिकी कर्जबाजारीला कंटाळून बुलढाणा तालुक्यातील गिरडा येथील एका 58 वर्षीय शेतकऱ्याने गुरांच्या गोठ्यात गळफास घेवून आत्महत्या केली. बुलढाणा तालुक्यातील गिरडा येथील शेतकरी सुभाष काशिनाथ गाडेकर यांच्याकडे साडेतीन एकर शेती आहे. शेतीच्या उत्पन्नावरच त्यांच्या कुटुंबीयांचा उदरनिर्वाह चालतो. परंतु मागील वर्षीची नापिकी व यावर्षी झालेल्या अतिवृष्टीमुळे पीक हातचे गेल्याने शेतीला लावलेला खर्च सुध्दा निघाला नाही. त्यांच्यावर कर्जाचा डोंगर वाढतच गेला.

हे देखील पहा -

घरातील कर्ता पुरुष असल्याने कुटुंबीयांचा उदरनिर्वाह कसा करावा, कर्ज कसे फेडावे या विवंचनेतच त्यांनी गुरांच्या गोठ्यात गळफास घेवून आत्महत्या केली. त्यांना 15 दिवसांपूर्वीच कर्जाची परतफेड करण्यासाठी एका पतसंस्थेची नोटीस आल्याचेही मुलाने सांगितले. त्यांच्यावर सेंट्रल बँक शाखा पाडळीचे 1 लाख 20 हजार रुपये तसेच एका पतसंस्थेचे 1 लाख रूपयांचे कर्ज होते. याबाबत बुलढाणा ग्रामीण पोलीस पुढील तपास करीत आहे.

Edited By - Shivani Tichkule