भंडारा : सुमारे १५ दिवस मृगाच्या पावसाने हुलकावणी दिल्यानंतर गुरुवारपासून भंडारा जिल्ह्यात दमदार पावसाने (Bhandara) हजेरी लावली आहे. शेतकरी बांधवांनी उन्हाळ्यात शेतीची मशागत करून पावसाच्या प्रतीक्षेत होते. आता पावसाचे आगमन झाले असून शेतकरी (Farmer) बांधवांची बी- बियाणे खरेदीसाठी लगबग सुरू झाली आहे. (Tajya Batmya)

खरीप हंगामात शेतकऱ्यांची होणारी लुबाडणूक लक्षात घेता कृषी विभागानं जिल्ह्यातील प्रत्येक तालुक्यात एक आणि जिल्हा कृषी विभागाचं एक असे आठ भरारी पथक नेमले असून कृषी केंद्रांवर करडी नजर ठेवून आहेत. मान्सूनचे आगमन झाल्यानंतरही (Rain) पावसाच्या हजेरीकडं सर्वांच्या नजरा असताना आता पाऊस पडला आहे. त्यामुळे आता पऱ्हे टाकण्यापासून ते बि- बियाणे खरेदीसाठी शेतकरी कृषी केंद्रात गर्दी करीत असल्याचे चित्र बघायला मिळत आहे.

जिल्‍ह्यात चांगला पाऊस

भंडारा जिल्‍ह्यात गुरूवारपासून दमदार पावसाला सुरवात झाली आहे. यामुळे पेरणीच्‍या प्रतिक्षेत असलेला शेतकरी आता पेरणी करायला लागला आहे. दमदार पावसामुळे वातावरणात देखील गारवा निर्माण झाला असून शेतकरी बांधव आणि सर्वसामान्य नागरिकांना आता दिलासा मिळाला आहे.