अमर घटारे 
अमरावती : अवकाळी पाऊस यानंतर ढगाळ वातावरणामुळे हरभरा पिकावर रोग पडला. यात चार एकर क्षेत्रात लागवड (Amravati) केलेल्या हरभऱ्यावर मर रोगाचा प्रादुर्भाव वाढल्यामुळे हरभरा पिकाची वाढ खुंटली. यामुळे शेतकऱ्याने (Farmer) नाइलाजात्सव चार एकरांवरील हरभऱ्यावर ट्रॅक्टर फिरवत रोटाव्हेटर केले.  (Maharashtra News)

अमरावती जिल्ह्यतील दर्यापूर तालुक्यात जीतापुर भाबोरा येथील शेतकरी मनोहर नथुजी काळे यांनी मागील एक महिन्यांपूर्वी त्यांच्या चार एकर शेतामध्ये हरभऱ्याची लागवड केली होती. पेरणी केल्यानंतर पाऊस नसल्यामुळे त्यांनी बोरिंगच्या साह्याने हरभऱ्याला पाणी दिले. नंतर अचानक आलेल्या अवकाळी पावसामुळे चारही एकर शेतात हरभऱ्यावर मोठ्या प्रमाणात मर रोग आल्याने शेतकरी चिंतेत पडलेला होता. काही केल्या मर रोगाचा प्रादुर्भाव कमी होऊन पिकात सुधारणा होत नव्हती. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

६० हजारापर्यंत खर्च 

हरभऱ्यात सुधारणा होत नसल्याने अखेर शेतकरी मनोहर काळे यांनी उभ्या हरभऱ्याच्या पिकावर ट्रॅक्टर फिरविला. यामध्ये त्यांना पेरणीपासून तर लागवडी पर्यंत ५० ते ६० हजार रुपये अंदाजे खर्च लागला असून शासनाने तातडीने आर्थिक मदत द्यावी; अशी मागणी शेतकरी मनोहर काळे यांनी केली आहे.