Pandharpur Milk Price Protest: रास्ता राेकाे आंदाेलन; दूध दरवाढीसाठी पंढरपूरसह माळशिरसचे शेतकरी आक्रमक

Milk Price Protest at Pandharpur:

दूध दरवाढीसाठी (milk price) पंढरपूर (pandharpur) आणि माळशिरस (malshiras) तालुक्यातील शेतकरी आक्रमक झाले आहेत. या दाेन्ही तालुक्यातील शेतक-यांनी आज (गुरुवार) ठिकठिकाणी रास्ता रोको आंदोलन (rasta roko andolan) छेडले. सरकराने दूध दरासाठी प्रयत्न करावा अन्यथा आंदाेलन तीव्र करणार असा इशारा शेतक-यांनी राज्य आणि केंद्र सरकारला दिला आहे. (Maharashtra News)

दूध दरवाढीसाठी पंढरपुरात युवा सेनेचे आंदोलन

दूध दरवाढ मिळावी या मागणीसाठी उध्दव ठाकरे (uddhav thackeray) यांच्या युवा सेनेने आज (pandharpur) पंढरपूर जवळच्या आढीव येथे रास्ता रोको आंदोलन केले. युवा सेनेचे रणजित बागल (ranjit bagal) यांच्या नेतृत्वाखाली दूध उत्पादक शेतक-यांनी पंढरपूर -कुर्डूवाडी महामार्गावर रास्ता रोको आंदोलन केले.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

गायीच्या दूधाला 40 तर म्हशीच्या दुधाला प्रति लिटर 60 रूपये दर द्यावा अन्यथा दुग्धविकास मंत्र्यांच्या गाडीवर मुरघास टाकू असा इशारा रणजित बागल यांनी दिला आहे. यावेळी शेतक-यांनी सरकारच्या दूध धोरणाचा निषेध करत घोषणा दिल्या.

पिलीव म्हसवड महामार्गावर रास्ता राेकाे

माळशिरस तालुक्यातील पिलीव येथे दुध उत्पादक शेतकऱ्यांनी आंदाेलन छेडले. गायीच्या दूधाला प्रती लिटर 40 रूपये व म्हशीच्या दुधाला 60 रूपये दर मिळावा या मागणीसाठी पिलीव म्हसवड महामार्गावर शेतक-यांनी सकाळच्या सुमारास रास्ता रोको आंदोलन केले. सुमारे दोन तास सुरू असलेल्या आंदोलनामुळे वाहतूक विस्कळित झाली होती.

Edited By : Siddharth Latkar