हर्षदा सोनोने 
अकोला : राज्यात मागील तीन दिवसांपासून अवकाळी पाऊस सुरु आहे. यात अकोला (Akola) जिल्ह्यातील तेल्हारा तालुक्यातील हिवरखेड परिसरातील सर्वच गावांमध्ये मागील तीन दिवसांपासून सुरू असलेल्या अवकाळी पावसाच्या (Rain) तडाख्याने अनेक पिके भुईसपाट झाली आहेत. पानपिंपरी, कापूस, कांदा यासह विविध पिके घेणारे शेतकरी हवालदिल झाले आहेत. (Breaking Marathi News)

अकोला जिल्ह्यात अवकाळी पाऊसाने हाहाकार घातला आहे. यामुळे शेतातील पिके भुईसपाट झाले आहेत. तर दुसरीकडे हिवरखेडकडून सातपुडा पर्वताच्या भागाकडे असणाऱ्या परिसरात ओलीताची शेती असल्यामुळे अनेक शेतकरी बांधव बहुगुणी आणि औषधी गुणधर्म असलेल्या पानपिंपरीची लागवड प्रामुख्याने करतात. त्यामुळे (Farmer) शेकडो एकरवर पानपिंपरी लागवड शेतकऱ्यांनी केलेली आहे. तर या पावसामुळे पानपिंपरी झाडातून गळालेली असून सदर पानपिंपरी कोरड्या जागेत वाळविण्याचा केविलवाणा प्रयत्न शेतकरी करीत आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

भरपाईची मागणी 

अवकाळी पावसामुळे पानपिंपरीचे पीक गळालेले असून त्याला बुरशी लागलेली आहे. त्यामुळे पानपिंपरी उत्पादक शेतकऱ्यांचे नुकसान हजारांमध्ये नव्हे तर लक्षावधी रुपयांमध्ये आहे. याची जाणीव शासनाला असणे आवश्यक आहे. त्यामुळे शासनाने तात्काळ भरीव आर्थिक मदत जाहीर करून ती तातडीने वितरित करावी अशी मागणी शेतकऱ्यांकडून होत आहे.