गावकऱ्यांनी साधला जलसंधारणातून आर्थिक विकास; 10 कोटीच्या अर्थकारणात बदल

लातुर : जिल्ह्यातील औसा तालुका तसा दुष्काळी सावली असलेला शिवली गावशिवारात पाण्याचे नेहमी दुर्भिक्ष होते, पण राज्य शासन भारतीय जैन संघटना आणि ग्रामस्थांच्या सामूहिक प्रयत्नातून जलसंधारणाच ६ किलोमीटरच काम झाले आहे. पाण्याच्या संसाधनातून किमान 10 कोटीच्या अर्थकारणात बदल झाला आहे. शिवली गाव हे औसा तालुक्यातील भूकंपग्रस्त आणि दुष्काळग्रस्त भाग आहे. दरवर्षी पाण्याची टंचाई हा नेहमीचा विषय आहे. The villagers achieved economic development through water conservation

हे देखील पहा-

शेतीला पाणी नसल्याने या ठिकाणी शेतकऱ्यांनी जोड व्यवसाय म्हणून कुक्कुटपालन केले आहे. पण गेल्या काही वर्षांपूर्वी जलयुक्त शिवार अभियानांतर्गत राज्य शासन आणि भारतीय जैन संघटना आणि गावकऱ्यांनी एकत्रितपणे गावशिवारातील ओढे नाले याचे जवळपास ६ किलोमीटर इतकं ४० फूट रुंद १५ फूट खोल रुंदीकरण खोलीकरण केले याचा परिणाम शिवली आणि बिरवली या २ गावाच्या शिवारात पाण्याची पातळीत वाढ झाली आहे.

याचा परिणाम या शिवारात २ हजार एकर उसाच्या क्षेत्रात वाढ होऊन आता ६ हजार एकर क्षेत्र झाले, तर सोयाबीन आणि अन्य शेतमाल पिकांच्या उत्पादनात कमालीचा बदल झाला आहे. यापूर्वी गावात एकूण शेतमाल उत्पादनातून जवळपास ५ कोटी रुपयांच उत्पादन घेतले जात होते. आता तेच उत्पादन १० कोटीच्या घरात पोहचले आहे. दुष्काळाशी झगडणार शिवली गाव ग्रामस्थांच्या एकजुटीने आता समृद्ध झाले आहे.

Edited By- Digambar Jadhav