वाढत्या तापमानाचा फळबागा, तरकारी पिकं, भाजीपाल्याला सर्वाधिक फटका

जुन्नर - पुण्याच्या (Pune) ग्रामीण भागात तापमानाचा पार चांगलाच वाढला आहे. मागील चार दिवसांपासून वाढत असलेल्या तापमानाचा (Weather Update) फळबागा,तरकारी पिकं,भाजीपाल्याला सर्वाधिक फटका बसत आहे.

जुन्नर परिसरात ३८ ते ३९ डिग्री तापमानाची नोंद करण्यात आली आहे. या वाढत्या तापमानामुळे उन्हाळी पिकांसह फळबागांना सर्वाधिक फटका बसत आहे. यामुळे पिकांवरील रोगराईमध्ये वाढ होऊन उभी पिकं करपण्याचे प्रमाण वाढले आहे.

सध्या वातावरणाचे पिकांवर होणारे परिणाम आणि त्यावर उपायोजना काय कराव्यात याबाबत कृषी शिक्षण संकुलाचे प्राचार्य राधाकृष्ण गायकवाड यांनी माहिती दिली आहे.

हे देखील पहा -

वाढत्या तापमानाचे परिणाम...

-आजच्या तापमानाचा पारा असाच राहिला तर 46 पर्यत तापमान जाईल..!

-उन्हाळी हंगामी पिकांना सर्वाधिक फटका...!

-थंडी पिकांची वाढ थांबली आणि आता वाढत्या तापमानाचे पिकांना चटके..!

-किड लागण्याचे प्रमाण वाढते

उपाययोजना...

-पिकांना जास्त प्रमाणात पाणी न देता नैसर्गिक उपाययोजना करावी,ड्रिपचा वापर करावा

-मल्चिंग पेपरचा वापर करावा

-तरकारी माल आणि पालेभाजांवर वाढती किड रोखण्यासाठी फवारणी करावी

-फवारणी करत असताना तापमानाच्या वेळी न करता सायंकाळच्या वेळी करावी..

-पाण्याचे योग्य नियोजन करुन पिकांना सावलीची व्यवस्था करावी