Sugarcane Cutting Rate: मशीनद्वारे ऊस तोडणीला ७०० रुपये दराची मागणी; संघटनेने केली मागणी

सचिन जाधव 

पुणे : राज्यातील ऊस तोडणी मजुरीच्या दरात वाढ झाल्यानंतर आता ऊस तोडणी मशिन मालकांनी मशिनने केल्या जाणाऱ्या उसाच्या (Sugarcane) तोडणीसाठी प्रतिटन ७०० रुपये दर देण्याची मागणी महाराष्ट्र ऊस तोडणी मशिन मालक संघटनेने केली आहे. या मागणीसाठी या संघटनेच्या पदाधिकाऱ्यांनी राज्याचे साखर आयुक्त चंद्रकांत पुलकुंडवार यांना निवेदन दिले आहे. (Latest Marathi News)

सध्या राज्याच्या विविध भागात मशिनने ऊस तोडणी करण्यासाठी दर वेगवेगळे आहेत. मुळात हे दर संपूर्ण राज्यभरात (Farmer) एक समान असणे गरजेचे आहे. प्रत्यक्षात हे दर एक समान केले जात नाहीत आणि दरवाढसुद्धा दिली जात नाही. त्यातच (Petrol) पेट्रोल व डिझेलच्या दरात मोठी वाढ झाली असल्याने सध्याच्या दरात मशिनद्वारे ऊस तोडणी करणे परवडत नाही. याशिवाय वाहतूक दरातसुद्धा वाढ जाहीर केली जात नसल्याने नाईलाजाने बेमुदत ऊस तोडणी बंद ठेवण्याचा निर्णय घ्यावा लागत असल्याचे महाराष्ट्र ऊस तोडणी मशिन मालक संघटना निवदेनात नमूद केले आहे.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

तर २० जानेवारीपासून ऊस तोडणी बंद 

महाराष्ट्र ऊस तोडणी मशिन मालक संघटनेने केलेल्या मागणीनुसार दारात वाढ अपेक्षित आहे. ही मागणी पूर्ण न झाल्यास येत्या २० जानेवारीपासून मशिनद्वारे केली जाणारी ऊस तोडणी बंद करण्याचा इशारा या संघटनेच्या वतीने देण्यात आला आहे.