Nandurbar News: सूर्यफूल पिकाची लागवड वाढली; भाव नसल्‍याने शेतकरी अडचणीत

सागर निकवाडे

नंदूरबार : नंदुरबार जिल्‍ह्यात यंदा शेतकऱ्यांनी मोठ्या प्रमाणात लागवड केली होती. गतवर्षी भाव अधिक असल्‍याने (Nandurbar) लागवड वाढली होती. परंतु, यंदा अपेक्षित दर मिळत नसल्‍याने शेतकरी (farmer) आर्थिक संकटात सापडला आहे. (Tajya Batmya)

नंदुरबार जिल्ह्यात सूर्यफूलला ७ हजारपर्यंतचा चांगला भाव मिळत होता. यामुळे यंदा अनेक शेतकऱ्यांनी गवा पिकाची लागवड न करता सूर्यफूल या पिकाची लागवड करण्यात आली होती. जिल्ह्यात मोठ्या प्रमाणावर सूर्यफूलची लागवड झाली असल्यामुळे आता सूर्यफूलला चांगला दर मिळत नसल्याने शेतकरी आर्थिक अडचणीत सापडला आहे.

सूर्यफुलला हमी भाव द्या

मागच्या वर्षी सूर्यफूलला सात हजार पर्यंतच्या भाव मिळाला होता. तर यावर्षी तीन हजाराच्‍या जवळपास भाव मिळत आहे. तर दुसरीकडे सूर्यफूलला बाजारपेठही उपलब्ध नसल्याने शेतकऱ्यांसमोर दुहेरी संकट उभे राहिले आहे. त्यामुळे शासनाने कमी प्रमाणावर घेतल्या जाणाऱ्या पिकांकडे देखील लक्ष देणे गरजेचे झाले आहे. तर सूर्यफूलला योग्य हमीभाव ठरवून द्यावा; अशी मागणी शेतकरी करू लागला आहे.