बैल पोळ्याच्या दिवशी शेतकऱ्यांचा अनोखा उपक्रम; लंपीच्या तीन हजार सिरींज आरोग्य अधिकाऱ्यांना भेट

मावळ : मावळ तालुक्यात भाद्रपद बैल पोळा आज मोठ्या उत्साहात आणि आनंदात साजरा करण्यात आला. लंपीच्या (Lumpy Disease) सावटामुळे यावर्षी घरगुती पध्दतीने सण साजरा करण्यात आला आहे. मावळ (Maval) तालुक्यात लंपीच सावट लवकर दूर व्हावे यासाठी बैल पोळ्याच्या (Bail Pola) दिवशी मिरवणुकीचा खर्च टाळून लंपी रोगावर असलेल्या तीन हजार सिरींज देण्यात आल्या. (Maval Bail Pola News)

मावळ तालुक्यातील (farmer) शेतकरी बाबुराव वायकर यांनी बैलांच्या मिरवणुकीचा खर्च टाळत मावळ तालुक्यातील नागरिकांना जनावराना लसीकरण करण्यात अडचणी होऊ नये. जास्तीत जास्त लसीकरण होऊन मावळ तालुका लंपीमुक्त व्हावा; यासाठी तीन हजार सिरीज तालुक्यातील आरोग्य अधिकाऱ्यांना दिल्या. बैल पोळ्याच्या दिवशी शेतकऱ्यांनी राबवलेल्या या अनोख्या उपक्रमाचे तालुक्यातील नागरिकांकडून कौतुक होत आहे.