कोथिंबीर शंभरी पार, अन्‍य भाज्‍याही महागल्‍या; अल्प पावसाचा परिणाम

पारोळा (जळगाव) : जून संपण्यात आला असताना देखील तालुक्यात पावसाचे जोरदार आगमन न झाल्यामुळे त्याचा परिणाम भाजीपाल्यावर झाला आहे. बाजारात (Jalgaon News) आज (२८ जून) कोथिंबीर शंभर रुपये किलो दराने विकली जात होती. (jalgaon news Cilantro rate crosses hundreds other vegetables are also expensive)

शेतकऱ्यांना (Farmer) भाजीपाला पिकवतांना मुबलक प्रमाणात पाणी लागते. मात्र जून महिन्याचा शेवटच्या आठवड्यात येऊन ठेपला असताना देखील अल्प पावसामुळे (Rain) अनेक भाज्यांचे दर शंभरी पार गेले आहेत. कोथंबिरी बरोबरच प्रत्येक भाजीत वापरला जाणारा टमाटा ८० रुपये किलो दराने विकला जात आहे.

लागवड केली परंतु..

मागील वर्षापेक्षा यंदा सर्वत्र समाधानकारक पाऊस होईल. या आशेने शेतकऱ्यांनी आपल्या शेतात कपाशीची लागवड तर काही शेतकऱ्यांनी ज्वारी, बाजरी, कडधान्य यांची पेरणी केली. मात्र गेल्या काही दिवसांपासून तालुक्यात कुठे कमी अधिक प्रमाणात पावसाचा लहरीपणा दिसून आला आहे. याचा फटका भाजीपाला उत्पादक शेतकऱ्यांना बसत असून पाणी नसल्याने भाजीपाल्याचे दर वाढताना दिसून येत आहे.