ताप वाढला; २० शेळ्यांच्या मृत्यूनं पशुसंवर्धन विभागानं उचलली ठाेस पावलं

Khed News : राज्यभरात गाई, बैलांमध्ये लम्पी स्किनचं संक्रमण होऊन जनावरांच्या मृत्युचे प्रमाण वाढत आहे. त्यातच आता खेड तालुक्यातील खरपुडी येथे २० शेळ्यांचा (sheep) दुदैवी मृत्यु झाल्याची धक्कादायक बाब समोर आली आहे. त्यामुळे मेंढपाळांसह शेतक-यांमध्ये (farmers) भितीचे वातावरण पसरलं आहे.

खेड तालुक्यातील खरपुडी बुद्रुक येथील मेंढपाळ सर्जेराव बरबटे यांच्या शेळ्यांमध्ये मागच्या आठ दिवसांत विविध आजार आढळुन आला आहे. तब्बल २० शेळ्यांचा मृत्यु झाल्याची धक्कादायक बाब देखील समोर आली आहे.

तब्बल २० शेळ्यांच्या अचानक मृत्युमुळे पशुसंवर्धन विभाग देखील खडबडुन जागं झाले आहे. शेळ्यांच्या मृत्यु झाल्यानंतर अधिकारी शेळ्यांच्या गोठ्यावर जाणार आहेत. शेळ्यांमध्ये तापाचे प्रमाण दिसुन येत असुन शेळ्यांचे तातडीने शवच्छेदन करण्यात येणार आहे. शवच्छेदनाच्या अहवालानंतर शेळ्यांच्या मृत्युच नेमकं कारण समोर येईल अशी माहिती पशुवैद्यकीय आधिकारी योगेश शेळकेंनी साम टीव्हीशी बाेलताना दिली.

Edited By : Siddharth Latkar