अवकाळी पावसाच्या भीतीने मावळात भात कापणीला सुरवात!

मावळ : अवकाळी पावसाच्या भीतीने मावळातील शेतकऱ्यांचा भात कापणीला आला वेग आला असून मजुरांचा तुटवडा त्यामुळे यांत्रिकीकरणाचा वापर वाढला आहे. तर मावळ मधील उर्से या भागात पारंपरिक पद्धतीने भात झोडपणी सुरू झाली आहे. मावळ मध्ये इंद्रायणी भात कापणीचे काम जोमात सुरु आहे.

हे देखील पहा :

अनेकांनी अवकाळी पावसाच्या तावडीत सापडू नये, याची काळजी घेत तयार झालेले भात पीक काढायला सुरुवात केली आहे. त्या शेतकऱ्यांच्या कामाचा वेग वाढवला आहे. सध्या शेतकऱ्यांना मजुरांची गरज असतानाच त्यांचा तुटवडा निर्माण झाला आहे. सर्वच शेतकऱ्यांची कामे एकाच वेळी सुरू झाल्याने ही परिस्थिती निर्माण झाली आहे. त्यामुळे अनेकांनी यंत्रांचा आधार घेतला तर भात झोडपणी ही जोरात सुरू आहे.

काल रात्री पावसाचा व्यत्यय आला होता. मात्र, ज्या शेतकऱ्यांनी वेळीच भाताची पिकांची कापणी करून इंद्रायणी तांदूळ शेतातून घरी नेला आहे, त्यांची पिके सुरक्षित आहे. तर मजुरांअभावी अजूनही काही शेतकऱ्यांची पिके शेतात असल्याने शेतकऱ्यांचा हाता तोंडाशी आलेला इंद्रायणी भाताचा घास अवकाळी पावसाने हिरावून नेला आहे. त्यामुळे सणासुदीला याच तांदुळाची बाजारपेठेत विक्री करून आपला परिवाराचा उदरनिर्वाह चालविणाऱ्या शेतकऱ्यांची तारांबळ उडाली आहे.

Edited By : Krushnarav Sathe