शेतीचा वीजपुरवठा खंडित; शेतकऱ्यांचा रात्रभर महावितरण कार्यालयात ठिय्या

अकोला - पातूर (patur) तालुक्यातील सस्ती येथील वीज वितरण कार्यालयांतर्गत शेतशिवारात जवळपास 35 विद्युत रोहित्रांचा वीजपुरवठा खंडित (Electricity) करण्यात आला आहे. त्यामुळे परिसरातील शेतकऱ्यांचे सिंचन प्रभावित झाल्याने रब्बी हंगाम धोक्यात आला आहे. या विरोधात परिसरातील जवळपास शेकडो शेतकऱ्यांनी (Farmer) आक्रमक पवित्रा घेत कालपासून महावितरणच्या कार्यालयात ठिय्या आंदोलन सुरू केले. रात्रभर शेतकऱ्यांनी आपली रात्र महावितरणच्या कार्यालयात काढली आणि ठिय्या आंदोलन सुरूच ठेवले.

हे देखील पहा -

यावेळी वीज पुरवठा सुरळीत करण्याची मागणी शेतकऱ्यांनी केली. सस्ती शिवारात खरीप हंगामात अतिवृष्टीमुळे पिकांचे नुकसान झाल्याने शेतकऱ्यांचा लागवडीचा खर्चही निघाला नाही. त्यामुळे शेतकऱ्यांना रब्बी हंगामापासून आशा आहे. यंदा परिसरात शेतकऱ्यांनी रब्बी हंगामात कांदा, हरभरा, गहू आदी पिकांची पेरणी केली असून, नसल्याने सद्यस्थितीत पिके बहरली आहेत. त्यामुळे मात्र पिकांना पाण्याची आवश्यकता असल्याने वीजपुरवठाची गरज आहे.

दरम्यान, येथील महावितरणने वीज पुरवठा खंडित केल्याने रब्बीचा हंगाम धोक्यात आला आहे. दरम्यान या विरोधात शेतकऱ्यांनी आक्रमक होत. थेट महावितरणच्या कार्यालयात ठिय्या दिला आहे. रात्रभर शेतकऱ्यांनी आंदोलन सुरूच ठेवले दरम्यान आजही शेतकरी आंदोलनावर ठाम असल्याची माहिती आहे.

Edited By - Shivani Tichkule