पोर्टलवर नोंद केली पण हरभरा खरेदी नाही; एका क्विंटलला दीड हजार अनुदान देण्याची मागणी

लातूर - अनेक शेतकऱ्यांनी शासकीय पोर्टलवर नोंद केली पण हरभऱ्यांची खरेदी अद्यापही झालेले नाही. या शेतकऱ्यांना (Farmer) एका क्विंटलला दीड हजार अनुदान देण्याची मागणी शेतकरी संघटनेने केली असूनही ती तात्काळ द्यावी अन्यथा आंदोलन छेडणार असल्याचा इशारा स्वाभिमानी शेतकरी संघटनेचे प्रदेशाध्यक्ष सत्तार पटेल यांनी दिली आहे.

हे देखील पाहा -

गत वर्षी सोयाबीन आणि हरभरा उत्पादक शेतकरी चांगलाच संकटात सापडला आहे. अतिवृष्टीमुळे सोयाबीन तर शासकीय धोरणामुळे हरभरा उत्पादक संकटात सापडला आहे. चालू वर्षी एक जुनला आवश्यक असलेली हरभरा खरेदी कोटा पूर्ण झाल्याने शासकीय खरेदी बंद केली. पण शेतकऱ्यांकडे हरभरा मोठया प्रमाणावर शिल्लक होता त्यामुळे शासनाने यास 18 जूनपर्यंत खरेदी सुरु राहणार असल्याचे स्पष्ट केले.

पण पोर्टलवरील अडचणीमुळे खरेदीच्या पावत्या निघत नसल्याने खोलंबा झाला. या शेतकऱ्यांना एका क्विंटलला दीड हजाराचा किमान फटका बसत असूनही त्यांना अनुदान द्यावं अशी मागणी स्वाभिमानी शेतकरी संघटनेचे प्रदेशाध्यक्ष सत्तार पटेल यांनी केली आहे. मागणी मान्य नाही झाल्यास आंदोलन छेडणार असल्याचा इशारा दिला आहे.