महावितरणने वीज तोडली अन् पीक करपू लागलं; शेतकऱ्याने गळफास घेऊन केली आत्महत्या!

बीड : वीज कट केल्याने पीक वाळून चालली, या विवेचनातून कृष्णा गायके या 23 वर्षाच्या तरुण शेतकऱ्याने आत्महत्या केली आहे. ही आत्महत्या नसून, महावितरणने केलेला खून आहे, म्हणुन महावितरणवर सदोष मनुष्य वधाचा गुन्हा दाखल करा. ही मागणी घेऊन गेवराईच्या महावितरण कार्यालयात, स्वाभिमानी शेतकरी संघटनेच्या प्रदेशाध्यक्षा पूजा मोरे यांच्यासह, शेतकऱ्यांनी ठिय्या आंदोलन सुरू केले आहे.

हे देखील पहा-

वीज कट केल्याने कृष्णा गायके या तरुण शेतकऱ्याने, आपले जीवन संपवले आहे. एवढे होऊन देखील MSEB ने त्या गावातील कृषी पंपाची वीज जोडून दिलेली नाही. अजून किती जणांचा बळी यांना लागणार आहे..? असे सवाल करत महावितरणावर सदोष मनुष्य वधाचा गुन्हा दाखल करण्यात यावे.

कृषी पंपाची वीज जोडणी तात्काळ करा, नसता वाळून चाललेल्या पिकांची नुकसान भरपाई द्या. या मागणीसाठी स्वाभिमानी शेतकरी संघटनेच्या महिला प्रदेशाध्यक्षा पूजा मोरे यांच्यासह, निपाणी जवळका येथील शेतकऱ्यांनी, गेवराई येथील महावितरणच्या कार्यालयातच, ठिय्या आंदोलन सुरू केले आहे.

Edited By- Digambar Jadhav