धुळ्यात रिमझिम पावसाला सुरुवात; अद्यापही दमदार पावसाची प्रतीक्षा

धुळे : राज्‍यातील काही भागात पावसाने हाहाकार माजवला आहे. मुसळधार पावसामुळे गावांमध्‍ये पाणी शिरले आहे. असे चित्र काही भागात पहावयास मिळत असताना धुळे जिल्‍ह्यात मात्र अजूनही दमदार (Rain) पावसाची प्रतिक्षा आहे. (dhule news Still waiting for heavy rain in district)

जून महिना पूर्णपणे कोरडा ठाक (Dhule News) गेल्यानंतर आता जुलै महिन्याचा पहिला आठवडा देखील उलटला आहे. परंतु आज जरी रिमझिम पावसाला सुरुवात झाली असली तरी अद्यापही दमदार पाऊस झाला नसल्यामुळे शेतकऱ्यांच्या (Farmer) पेरण्या खोळंबल्या आहेत. त्यामुळे शेतकऱ्यांना आता दमदार पावसाची प्रतीक्षा आहे.

शेतकरी चिंतेत

धुळ्यात पावसाला अखेर सुरुवात झाली आहे. परंतु आठवडाभर विश्रांती घेतल्यानंतर रिमझिम पावसाला सुरुवात झाली असून जिल्ह्याभरात अद्यापही दमदार पावसाने हजेरी लावली नसल्यामुळे शेतकरी वर्गात चिंतेचे वातावरण आहे.