Beed News: कांद्याला भाव नाही, कर्ज फेडीच्‍या विवंचनेतून तरुण शेतकऱ्याचे टोकाचे पाऊल

कांद्याला भाव नाही, कर्ज फेडीच्‍या विवंचनेतून तरुण शेतकऱ्याचे टोकाचे पाऊल
Beed News
Beed NewsSaam tv

बीड : कांद्याला भाव नाही.. त्यामुळे घेतलेले कर्ज कसे फेडायचे? घरात विधवा बहीण, वृद्ध आई- वडील, बहिणीचे लहान मुलं यांचा सांभाळ कसा करायचा? कुटुंबाचा गाडा कसा चालवायचा? या एक ना अनेक संकटात गुरफटलेल्या (Beed) बीडच्या बोरखेड येथील तरुण शेतकऱ्याने गळफास घेऊन आत्महत्या केली. संभाजी अर्जुन अष्टेकर (वय २५) असं आत्महत्या केलेल्या कांदा उत्पादक (farmer) शेतकऱ्याचे नाव आहे. (Breaking Marathi News)

Beed News
Women's Day: बस्स नाम काफी है! रणरागिणी गीतांजली कोळींचा दबदबा, धुळ्यातील बहुतांश गावांमध्ये झाली दारूबंदी!

बोरखेडे (जि. बीड) येथील शेतकरी संभाजीकडे केवळ ५ एकर शेती आहे. त्याच्याकडे खाजगी सावकाराचे साडेतीन लाखाचे कर्ज आहे. तो शेतात पिकवलेल्या कांद्यातून आपले कर्ज फेडणार होता. मात्र सरकारच्या शेतकरी विरोधी धोरणामुळे कांद्याला भाव मिळाला नाही. यामुळे घेतलेले कर्ज कसे फेडायचे? असा प्रश्न त्याच्यापुढे होता. त्याचबरोबर (Onion) त्याच्यावर विधवा बहिण, तिचे मुलं, वृद्ध आई- वडील यांची जबाबदारी होती. यामुळे कुटुंब कसं चालवावं? असा देखील प्रश्न त्याच्यापुढे होता. या विवचनेतूनच त्याने हे टोकाचं पाऊल उचलले.

आत्‍महत्‍या नसून सरकारने केलेला खून आहे : डॉ. ढवळे

संभाजी याने शेतीसाठी आणि बहिणीसाठी कर्ज घेतलं होतं. या कांद्याच्‍या उत्‍पादनातून त्याला कर्ज फेडायचं होतं. मात्र या कर्जामुळे संभाजीने टोकाचे पाऊल उचलले असे नातेवाईकांनी म्हटले आहे. मात्र संभाजी अष्टेकर याने आत्महत्या केली नसून सरकारने केलेला हा खून आहे; असा गंभीर आरोप सामाजिक कार्यकर्ते गणेश ढवळे यांनी केला आहे. त्यामुळे संभाजी हा कुटुंबातील कर्ता पुरुष होता. त्याच्या जाण्यामुळे आता कुटुंब उघड्यावर येणार आहे. त्यामुळे सरकारनं आता या कुटुंबाची जबाबदारी घ्यावी आणि या अष्टेकर कुटुंबाला न्याय द्यावा. अशी मागणीही केली आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com