Pandharpur : कार्तिकीतील जनावरांच्या बाजारात अडीच कोटींची उलाढाल, पंढरपूर बाजार समितीला मिळाले भरघाेस उत्पन्न

Kartiki Ekadashi 2023 :

पंढरपूरात कार्तिकी जनावरांच्या बाजारात दोन ते अडीच कोटी रूपयांची आर्थिक उलाढाल झाली आहे. ही उलाढाल विक्रमी असल्याचे मानले जात आहे. या उलाढालीतून कृषी उत्पन्न बाजार समितीला चांगले उत्पन्न मिळाले आहे. (Maharashtra News)

लम्पीचा प्रादुर्भाव कमी झाल्याने तीन वर्षांनंतर यंदा पंढरपुर येथे कार्तिकी जनावरांचा बाजार भरला होता. खिलार जनावरांसाठी येथील बाजार प्रसिद्ध आहे. बाजारात राज्यासह कर्नाटक मधून सुमारे पाच हजाराहून अधिक जनावरे विक्रीसाठी दाखल झाली‌ होती.

यामध्ये सुमारे अडीच ते तीन‌ हजार जनावरांची खरेदी विक्री झाली. या बाजारात तब्बल दोन ते अडीच कोटींची आर्थिक उलाढाल झाली. यामध्ये प्रामुख्याने खिलार जातीच्या खोंड आणि बैलांची मोठ्या प्रमाणावर खरेदी विक्री झाल्याचे समजते. दरम्यान यंदाच्या बाजारातून कृषी उत्पन्न बाजार समितीला चांगले उत्पन्न मिळाले आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar