Viral Video: महिलेचा अनोखा जुगाड; इस्त्रीने केस सरळ करतानाचा व्हिडीओ व्हायरल

केस सरळ आणि मऊ असावेत असे प्रत्येक महिलेला वाटते. अनेकींना कुरळे केस आवडत नाही. केस सरळ होण्यासाठी त्या विविध प्रयोग करतात. पार्लरमध्ये केस सरळ होण्यासाठी स्ट्रेटनिंग केली जाते. मात्र अनेक महिलांसाठी स्ट्रेटनिंगचा खर्च मोठा आणि न परवडणारा असतो. अशावेळी महिला काय करतात याचा हा व्हिडीओ आहे जो पाहून तुम्ही देखील आश्चर्यचकित व्हाल.

या व्हिडीओमध्ये एका महिलेने केस सरळ होण्यासाठी इस्त्रीचा वापर केला आहे. बेडवर ही महिला केस मोकळे सोडून झोपलेली दिसत आहे. महिलेच्या शेजारी एक व्यक्ती आहे जी तिचे केस इस्त्रीने सरळ करण्याचा प्रयत्न करताना दिसत आहे. महिलेने तिचं तोंड लपवलेलं आहे. तर या व्यक्तीच्या हातात कंगवा आणि इस्त्री दिसत आहे. इस्त्री त्याने केसांवर फिरवलेली आहे. यानंतर महिलेचे केस सरळ होतील की नाही हे पाहाच.

केस सरळ होण्यासाठी इस्त्रीचा वापर केल्याने घातक देखील ठरू शकते. यामुळे केस जळण्याची तसेच इस्त्रीमुळे करंट लागण्याची देखील शक्यता आहे. यामुळे अश्या कोणत्याही गोष्टी करताना योग्य काळजी घेणे महत्वाचे आहे.@sivaakhilaworld2000 या इन्स्टाग्राम पेजवर हा व्हिडीओ शेअर करण्यात आला आहे. या व्हिडीओवर नेटकऱ्यांनी वेगवेगळ्या प्रतिक्रिया दिल्या आहेत.