रस्त्यावर सोन्याचा पाऊस? सोनं वेचण्यासाठी लोकांची झुंबड?

रस्त्यावर सोनं पडलंय अशी बातमी वाऱ्यासारखी पसरली आणि ते गोळा करण्यासाठी लोक जमले...महिला, मुलं, काही व्यक्ती सोनं गोळा करत असताना दिसतायत...हाच व्हिडिओ सोशल मीडियावर व्हायरल झाला आणि अनेकजण रस्त्यावर सोनं पडलेलं जमा करण्यासाठी जमले...गुजरातच्या वलसाडमधील हा व्हिडिओ असल्याचा दावा करण्यात आलाय..पण, खरंच सोनं पडलंय का...? याची माहिती मिळवण्यासाठी आमच्या व्हायरल सत्य टीमने पडताळणी सुरू केली...गुजरातच्या वलसाडमध्ये असं कुठे सोनं रस्त्यावर पडलं का...? याची आम्ही माहिती मिळवली...त्यावेळी आमच्या पडताळणीत काय सत्य समोर आलं पाहुयात...

रस्त्यावर सोन्याचा पाऊस पडल्याची अफवा

हायवेवरून जाणाऱ्या ट्रकमधून काही धातूचे तुकडे पडले

तांबे आणि पितळाचे छोटे तुकडे पडले होते

उन्हाची किरणं त्यावर पडल्यामुळे सोन्यासारखे चमकू लागले

प्रत्येक चमकणारी वस्तू हे सोनंच नसते याचा प्रत्यय वलसाडच्या या घटनेवरून येतोय...एका अफवेमुळे भर उन्हात लोक तासनतास पितळ वेचत बसले. शेवटी हाती काहीच लागलं नाही, लागली ती फक्त निराशा...त्यामुळे सोशल मीडियावर अशा कोणत्याही गोष्टीवर विश्वास ठेवण्यापूर्वी सत्यता नक्की तपासा...आमच्या पडताळणीत रस्त्यावर सोन्याचा पाऊस पडल्याचा दावा असत्य ठरलाय...